މަލިބޫގެ ތިންބައިކުޅަ އެއްބައި އަނދައިގެން ހިނގައްޖެ: މޭޔަރު

މަލިބޫގެ އިރުމަތީ ސަރަހައްދުގެ ތިންބައިކުޅަ އެއްބައި އަލިފާނުގެ ކާރިސާގައި ގެއްލިއްޖެކަމަށް މަލިބޫގެ މޭޔަރު ޑަގް ސްޓުއަރޓް ވިދާޅުވެއްޖެއެވެ. ހޮނިހިރު ދުވަހުގެ ރޭ ބޭއްވުނު  ބައްދަލުވުމެއްގައި ވާހަކަފުޅު ދައްކަވަމުން މޭޔަރު ވިދާޅުވީ، ފާއިތުވި ތިން މަސްދުވަހުގެ ތެރޭގައި މަލިބޫއަށް ތިން އަލިފާނުގެ ހާދިސާ ކުރިމަތިވެފައިވާ ކަމަށާއި، ނަމަވެސް ޕެލިސޭޑްސް އަލިފާނުގެ ހާދިސާއަކީ އެންމެ ގެއްލުން ބޮޑު ހާދިސާ ކަމުގައެވެ.

މޭޔަރު ސްޓުއަރޓް ވިދާޅުވި ގޮތުގައި ޕެސިފިކް ކޯސްޓް ހައިވޭގައި ހުރި "ރީތި ގެތައް" އަނދައިގެން ގޮސްފައިވާ ކަމަށާއި، އަދި ބިގް ރޮކް މުޖުތަމަޢުވެސް އަނދައިގެން ގޮސްފައިވާ ކަމަށެވެ. 

އިތުރަށް މޭޔަރު ވިދާޅުވީ، އާދިއްތަ ދުވަހު ވައި ގަދަވާނެ ކަމަށް ލަފާކުރެވޭތީ، އަލިފާން ނިއްވުމުގެ މަސައްކަތަށް އުނދަގޫތަކެއް ކުރިމަތިވެދާނެ ކަމަށެވެ. މި ހާދިސާއާ ގުޅިގެން އަލިފާން ނިއްވުމުގެ މަސައްކަތުގައި ގިނަ އަދަދެއްގެ ފަޔަރ ފައިޓަރުން ދަނީ މަސައްކަތް ކުރަމުންނެވެ.