ޙައްޖުގެ ކަންކަން ރާވައި ހިންގުމަށް ސަޢޫދީ ޢަރަބިއްޔާއާއި ދިވެހިރާއްޖެއާ ދެމެދު އެއްބަސްވުމުގައި ސޮއިކުރެވިއްޖެ

ދިވެހިރާއްޖެއާއި ސަޢޫދީ ޢަރަބިއްޔާއާ ދެމެދު ޙައްޖުގެ ޚިދުމަތާ ބެހޭ އެއްބަސްވުމެއްގައި މިއަދު ސޮއިކޮށްފިއެވެ. މި އެއްބަސްވުމުގައި ދިވެހިރާއްޖޭގެ ފަރާތުން ސޮއިކުރެއްވީ އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދެވެ. އަދި ސަޢޫދީ ޢަރަބިއްޔާގެ ފަރާތުން ސޮއިކުރެއްވީ އެ ޤައުމުގެ ޙައްޖާއި ޢުމްރާއާ ބެހޭ ވަޒީރު ޑރ. ތައުފީޤު ބިން ފައުޒާނު އައްރަބީޢާއެވެ.

މި މުހިންމު އެއްބަސްވުމުގައި ސޮއިކުރުމާ ގުޅިގެން، ވަޒީރު ޝަހީމް ވަނީ މީސްމީޑިއާގައި މެސެޖެއް ހިއްސާކުރައްވާފައެވެ. އެ މެސެޖުގައި ވިދާޅުވެފައިވަނީ،

ސަޢޫދީ ޢަރަބިއްޔާއާ ދެމެދު ޙައްޖުގެ ކަންކަން އިންތިޒާމުކުރުމާ ބެހޭ އެއްބަސްވުމުގައި ސޮއިކުރުމުގެ ޝަރަފް މިއަދު ލިބިވަޑައިގެންކަމާއި ދެ ޙަރަމްފުޅަށް ދެއްވާ މަތިވެރި އަޅާލުމަށާއި، ޙައްޖުވެރިންނަށް ފޯރުކޮށްދެއްވާ ޚާއްޞަ ޚިދުމަތްތަކަށްޓަކައި ސަޢޫދީ ޢަރަބިއްޔާގެ ވެރިކަމަށާއި ރައްޔިތުންނަށް ޝުކުރު އަދާކުރައްވާކަމަށެވެ.

Today, we had the honor of signing the agreement for organizing Hajj affairs between the Maldives and Saudi Arabia. I extend my gratitude to the Kingdom’s leadership and people for their great care for the Two Holy Mosques and their exceptional services to the pilgrims. pic.twitter.com/uhmR4xvFIV

— Mohamed Shaheem Ali Saeed (@Mohamedshaheem1) January 12, 2025

މި އެއްބަސްވުމަކީ ދެ ޤައުމުގެ ދެމެދުގައި ޙައްޖުގެ ކަންކަން އިތުރަށް ހަރުދަނާކޮށް، ދިވެހި ޙައްޖުވެރިންނަށް އިތުރު ފަސޭހަތަކެއް ލިބިގެންދާނެ އެއްބަސްވުމެއް ކަމަށް ބެލެވެއެވެ. މި އެއްބަސްވުމުގެ ސަބަބުން ދެ ޤައުމުގެ ދެމެދުގައި އޮތް ގުޅުން އިތުރަށް ބަދަހިވެގެންދާނެ ކަމަށްވެސް ލަފާކުރެވެއެވެ.