Ads by Exprox

ޚަބަރު

އަމީނީމަގު ހަދާ ނިމުނުތާ ދުވަސްކޮޅެއް ފަހުން އެ މަގު މަރާމާތުކުރަން ފަށައިފި

އަމީނީމަގު ހަދާ ނިމުނުތާ ދުވަސްކޮޅެއް ފަހުން އެ މަގު މަރާމާތުކުރަން ފަށައިފި

އަމީނީ މަގުގެ މަރާމާތުގެ މަސައްކަތް ކުރިޔަށްދަނީ، ފޮޓޯ: ޕީއެސްއެމް ނިއުސް

farudhun logo

ފަރުދުން

12 ޖެނުއަރީ 2025، 04:24

12 ޖެނުއަރީ 2025، 04:24

ހުލާސާ

އަމީނީ މަގު މަރާމާތުކުރުމުގެ މަސައްކަތް ފެށީ އެ މަގުގެ އިސްކަންދަރު ކޮއްޓާ ހިސާބުން ސްޓޭޑިއަމް ފަޅީގެ ބޮޑުބައެއްގެ ތާރުގަނޑު އަޑިގުޑަންވެފަ އޮތުމާ ގުޅިގެން، ދުއްވާ އެއްޗެތި ދުއްވުމަށް އުނދަގޫވާ މިންވަރަށް މަގުގެ ހާލަތު ދަށްވެފައި އޮތުމާ ގުޅިގެން.

ފިޔަވަހިތަކަކަށް ބަހާލައިގެން އަމީނީ މަގު ޒަމާނީ ފެންވަރަށް ތަރައްޤީ ކުރުމަށް ފެށި މަސައްކަތް ކުރިޔަށް ގެންގޮސް މިދިޔަ އަހަރުގެ ކުރީކޮޅު އެ މަސައްކަތް އެއްކޮށް ނިންމާލިއިރު، އެ މަގު މަރާމާތުކުރުމުގެ މަސައްކަތް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ފަށައިފިއެވެ. 

އަމީނީ މަގު މަރާމާތުކުރުމުގެ މަސައްކަތް ފެށީ އެ މަގުގެ އިސްކަންދަރު ކޮއްޓާ ހިސާބުން ސްޓޭޑިއަމް ފަޅީގެ ބޮޑުބައެއްގެ ތާރުގަނޑު އަޑިގުޑަންވެފަ އޮތުމާ ގުޅިގެން، ދުއްވާ އެއްޗެތި ދުއްވުމަށް އުނދަގޫވާ މިންވަރަށް މަގުގެ ހާލަތު ދަށްވެފައި އޮތުމާ ގުޅިގެންނެވެ. އެހެންކަމުން މިކަމާ ގުޅިގެން އާންމުގެ ޝަކުވާ ވެސް އޮތީ މިހާރު ބޮޑުވެފައެވެ.

އެ މަގުގެ ސެގްމެންޓު 11 އަދި 12 ހިމެނޭ ސަރަޙައްދުގެ މަަސައްކަތް، ޣިޔާސުއްދީން ސްކޫލުން ފެށިގެން ކުރީގެ އިމާރާތްކުރުމާއި ބެހޭ ވުޒާރާއާއި ހަމައަށް، ފަށާފައިވަނީ 2023 ވަނަ އަހަރުގެ ސެޕްޓެންބަރު މަހުގެ 7 ވަނަ ދުވަހުއެވެ. އަދި ޖެހިގެން އައި ދުވަހުގެ ރެއާއި ހިސާބަށް 11 ވަނަ ސެގްމަންޓާއި ހަމައަށް ތާރުއެޅުމުގެ މަސައްކަތް ނިމިފައިވާކަމަށް އޭރު އާރުޑީސީއިން ބުނެފައިވެއެވެ.

މަރާމާތުގެ މަސައްކަތާ ގުޅިގެން އާރުޑީސީއިން ބުނީ، އެ މަސައްކަތް މިހާރު ކުރަމުން ގެންދަނީ ދިގު މުއްދަތަށް މަގު ހަލާކުނުވެ އާންމުންނަށް ބޭނުންކުރެވޭނެ ގޮތަށް ވިސްނައިގެން ކަމަށެވެ. އެގޮތުން، ތާރު އެޅުމުގެ ކުރިން ކުރަންޖެހޭ ކަންކަމަށް ސަމާލުކަމާއި ވަގުތުދީ، ތާރު އެޅުމަށްފަހު ތާރުގަނޑު ހިކުމަށް އެކަށޭނަ ވުގުތު ދޭނެކަމަށް ވެސް ބުނެފައިވެއެވެ.

އާރުޑީސީއިން މިހެން ބުނެފައިވާއިރު، 2022 ވަނަ އަހަރު ފެށި އެ މަޝްރޫޢު އަކީ މިދިޔަ ދައުރުގައި ނިންމާލުމަށް މަސައްކަތްކުރި މަޝްރޫއެކެވެ. ނަމަވެސް އެ މަގުގައި ކޮނެގެން ކުރަންހުރި ނެޓްވޯކްގެ މަސައްކަތްތައް ގިނަވުމާއި އަދި އެކަމުގައި ދިމާވި އެކި ގޮންޖެހުންތަކާއެކު މަސައްކަތް ތާވަލާ އެއްގޮތަށް ނިމިފައެއް ނުވެއެވެ. 

13 ސެގްމެންޓު ހިމެނޭ މި މަޝްރޫޢުގެ މަސައްކަތް އެއްކޮށް ނިންމާލެވިފައި ވަނީ މިދިޔަ އަހަރުގެ ޖެނުއަރީ މަހުއެވެ. 

މި ލިޔުން ކިޔާލުމުން

Ads by MSS