ހުޅުމާލެއިން ބިދޭސީއަކު ގެއްލިގެން އެމީހާ ހޯދުމުގެ މަސައްކަތް ފަށައިފި

ހުޅުމާލެއިން ބިދޭސީއަކު ގެއްލިގެން ރިޕޯޓުކުރުމާ ގުޅިގެން އެމީހާ ހޯދުމުގެ މަސައްކަތް ފުލުހުން ފަށައިފިއެވެ.

ފުލުހުން ހާމަކޮށްފައިވާ ގޮތުގައި، ގެއްލިގެން ހޯދަމުންދަނީ އުމުރުން 41 އަހަރުގެ އިންޑިއާގެ ފިރިހެނެއް ކަމުގައިވާ އުމޭޝް މާންޖީއެވެ.

މި މީހާ ހޯދުމަށް ފުލުހުން އިއުލާންކުރިއިރު، 14 ޑިސެންބަރު 2024ގެ ހެނދުނު 7:00ގެ ފަހުން އެ މީހާގެ އެއްވެސް ޚަބަރެއް ވެފައިނުވާކަމަށް ފުލުހުން ބުނެއެވެ. 

އެ މީހާ ދިރިއުޅެމުން ދިޔައީ ހުޅުމާލެ ފޭސް 1ގެ ޓެމް ޕްލޭން 61 ގައެވެ. 

މި މީހާގެ ޚަބަރެއް ހޯދުމުގެ ގޮތުން ފުލުހުން ވަނީ ކަމާ ގުޅުންހުރި އެންމެހާ ބަހާތަކަށް އެކަމުގެ މައުލޫމާތު ހިއްސާކޮށްފައެވެ.

ފުލުހުން އެދިފައިވަނީ އެ މީހާގެ މަޢުލޫމާތެއް ލިބިއްޖެނަމަ ލަސްނުކުރައްވައި، ހުޅުމާލެ ފޭސް 1 ޕޮލިސް ސްޓޭޝަންގެ އިންވެސްޓިގޭޝަން ނަންބަރު 9980062 އަށް ގުޅުއްވައި ހިއްސާކުރެއްވުުމަށެވެ.