ޚަބަރު
މާލޭގައި ބިދޭސީން އުޅޭ އެކޮމޮޑޭޝަން ބްލޮކެއް ރެއިޑްކޮށް 4 މީހުން ހައްޔަރުކޮށްފި

އިމިގްރޭޝަނުން ރެއިޑް ކުރި އެކޮމޮޑޭޝަން ބްލޮކުގައި ފޮޓޯ : އިމިގްރޭޝަން ވީޑިއޯ
މާލޭގައި ބިދޭސީން އުޅެމުންދިޔަ އެކޮމޮޑޭޝަން ބްލޮކެއް އިމިގްރޭޝަންގެ ޓާސްކުފޯހުން ކުރިއަށް ގެންދިޔަ ރެއިޑް އޮޕަރޭޝަނެއްގައި ބަލައި ފާސްކޮށްފިއެވެ. މި އޮޕަރޭޝަންގައި އާންމު ސިއްޙަތަށް ގެއްލުންވާ ގޮތަށް ގިނަ އަދަދެއްގެ ބިދޭސީން ތޮއްޖެހިގެން ދިރިއުޅެމުންދާކަން ވަނީ ފާހަގަކުރެވިފައެވެ.
ޓާސްކުފޯހުން މަޢުލޫމާތު ދެއްވިގޮތުގައި، މި އޮޕަރޭޝަންގައި ސައްޙަ ވިސާއެއް ނެތި އެތަނުގައި އުޅެމުންދިޔަ 4 ބިދޭސީން ވަނީ އިމިގްރޭޝަންގެ ބެލުމުގެ ދަށަށް ގެނެވިފައެވެ. މި ރެއިޑް އޮޕަރޭޝަނަކީ އާންމު ރައްޔިތުންގެ ސިއްޙަތާއި ސަލާމަތަށް ރައްކާތެރިވުމުގެ ގޮތުން ކުރިއަށް ގެންދެވުނު އޮޕަރޭޝަނެއްކަމަށް ޓާސްކުފޯހުން ބުނެއެވެ.
މާލޭގައި މިފަދަ އެކޮމޮޑޭޝަން ބްލޮކްތައް ގިނަވަމުން ދިއުމާއި ގުޅިގެން، ސަރުކާރުން ވަނީ މިކަމާ ގުޅޭގޮތުން ޚާއްޞަ ސަމާލުކަމެއް ދީ، މިފަދަ ތަންތަން ބަލައި ފާސްކުރުމުގެ މަސައްކަތް ހަރުދަނާކުރުމަށް ނިންމާފައެވެ.