Ads by Exprox

ޚަބަރު

މިނިވަން މުއައްސަސާތަކަށް މެންބަރުން އައްޔަންކުރުމަށް ޖަލްސާއެއް ބާއްވަނީ

މިނިވަން މުއައްސަސާތަކަށް މެންބަރުން އައްޔަންކުރުމަށް ޖަލްސާއެއް ބާއްވަނީ

ރައްޔިތުންގެ މަޖިލީސް ކުރާ ގެ ފޮޓޯ:މަޖިލިސް

އާމިނަތު ޔުމްނާ

އާމިނަތު ޔުމްނާ

13 ޖެނުއަރީ 2025، 03:35

13 ޖެނުއަރީ 2025، 03:35

ރައްޔިތުންގެ މަޖިލީހުން އަންނަ ބުރާސްފަތި ދުވަހު ދައުރުން ބޭރުގެ ޖަލްސާއެއް ބޭއްވުމަށް ވަނީ ނިންމާފައެވެ. މި ޖަލްސާގައި ބްރޯޑްކާސްޓިން ކޮމިޝަނާއި އިލެކްޝަންސް ކޮމިޝަނުގެ ހުސްވެފައިވާ މަގާމުތަކަށް މެންބަރުން އައްޔަންކުރުމުގެ މަސައްކަތް ކުރިއަށް ގެންދިއުމަށް ވަނީ ހަމަޖެހިފައެވެ.

ރައްޔިތުންގެ މަޖިލީހުގެ އިދާރާއިން ނެރެފައިވާ ތާވަލުގައިވާ ގޮތުން، މި ޖަލްސާގައި މަޖިލީހުގެ ރައީސްގެ މޭޒުން ހުށަހަޅުއްވާ ތިން ކަމަކާއި ދެ ކޮމިޓީ ރިޕޯޓު ހުށަހެޅުއްވުމުގެ އިތުރުން، މަސައްކަތް ނިމިފައިވާ ކަންކަމުގައި ވޯޓަށް އެހުން އޮންނާނެއެވެ.

މަޖިލީހުގެ މެޖޯރިޓީ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހް ވިދާޅުވި ގޮތުގައި، މަޖިލީހުގައި ނުނިމި ހުރި މަސައްކަތްތައް ނިންމުމަށް މި މަހުގެ ތެރޭގައި ދައުރުން ބޭރުން ދެ ޖަލްސާ ބޭއްވުމަށް ވަނީ ނިންމާފައެވެ. މި ޖަލްސާތައް ބޭއްވުމަށް ހަމަޖެހިފައިވަނީ މި މަހުގެ 16 އަދި 20 ވަނަ ދުވަހުގައެވެ.

ބުރާސްފަތި ދުވަހުގެ ޖަލްސާގައި ރައީސުލްޖުމްހޫރިއްޔާ ފޮނުއްވާފައިވާ ތިން މައްސަލައެއް ހުށަހެޅުމަށް ވަނީ ހަމަޖެހިފައެވެ. މީގެ ތެރޭގައި ހިއުމަން ރައިޓްސް ކޮމިޝަނުގެ ނައިބު ރައީސަކު އައްޔަންކުރުމުގެ މައްސަލައާއި، އަލަށް އައްޔަންކުރެއްވި ހަތަރު ވަޒީރުންނަށް ރުހުން ހޯދުމުގެ މައްސަލަ، އަދި އެންޓި-ކޮރަޕްޝަން ކޮމިޝަނަށް ދެ މެންބަރަކު އައްޔަންކުރުމުގެ މައްސަލަ ހިމެނެއެވެ.

މީގެ އިތުރުން، ބްރޯޑްކާސްޓިން ކޮމިޝަނާއި އިލެކްޝަންސް ކޮމިޝަނުގެ ހުސްވެފައިވާ މަގާމުތަކަށް މެންބަރުން އައްޔަންކުރުމާ ގުޅޭ ގޮތުން މިނިވަން މުއައްސަސާތަކުގެ ކޮމިޓީން ނިންމި ގޮތުގެ ރިޕޯޓު ތަޅުމަށް ހުށަހަޅައި، އެ ރިޕޯޓުތަކަށް ބަހުސްކޮށް ނިމިއްޖެނަމަ ވޯޓަށް އެހުންވެސް އޮންނާނެއެވެ.

މި އަހަރަށް މަޖިލިސް ރަސްމީކޮށް ހުޅުވާ ޖަލްސާ ބޭއްވުމަށް ހަމަޖެހިފައިވަނީ އަންނަ މަހުގެ 6 ވަނަ ދުވަހުގައެވެ. މި ޖަލްސާގައި ރައީސުލްޖުމްހޫރިއްޔާ ރިޔާސީ ބަޔާން އިއްވަވާނެ ކަމަށް ވަނީ އިޢުލާންކުރައްވާފައެވެ.
                    

މި ލިޔުން ކިޔާލުމުން

Ads by MSS