ޚަބަރު
މާފަންނު ކެފޭއެއްގައި އިންދާ ހަބަރު ހުސްވެގެން ގެންދިޔަ މީހަކު ނިޔާވެއްޖެ

މާފަންނު ފޮޓޯ:އަވަސް
މާފަންނު ސަރަޙައްދުގެ ކެފޭއެއްގައި އިންދާ ހަބަރު ހުސްވެގެން ހޮސްޕިޓަލަށް ގެންދިޔަ 58 އަހަރުގެ މީހަކު، ފަރުވާދެމުންދަނިކޮށް ނިޔާވެއްޖެއެވެ.
މޯލްޑިވްސް ޕޮލިސް ސަރވިސްއިން މަޢުލޫމާތު ދެއްވިގޮތުގައި، މިހާދިސާ ހިނގާފައިވަނީ އިއްޔެ ރޭގައެވެ. ކެފޭގައި އިންދާ ކުއްލިއަކަށް ހަބަރު ހުސްވެގެން އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އަށް ގެންދެވުނު މީހާއަށް އެތަނުގައި ފަރުވާ ދެމުންދަނިކޮށް ނިޔާވެފައިވާކަމަށް ފުލުހުން ވިދާޅުވިއެވެ.
ނިޔާވި މީހާއަކީ މ. މޫން ޑްރޮޕްސް، އަޙްމަދު ޝަރީފް (58 އަހަރު) ކަމަށް ފުލުހުން ވަނީ ހާމަކުރައްވާފައެވެ. މި ހާދިސާއާ ގުޅިގެން އިތުރު ތަޙްޤީޤުތައް ކުރިއަށްދާކަމަށާއި، ބަލަންޖެހޭ އެންމެހާ ކަންކަން ބަލަމުންދާކަމަށްވެސް ފުލުހުން ވަނީ ވިދާޅުވެފައެވެ.