ދެދުވަސްތެރޭގައި ނުރައްކާތެރިކޮށް ދުއްވި 9 އުޅަނދެއް ހިފަހައްޓައިފި!

ދެދުވަސްތެރޭގައި ނުރައްކާތެރިކޮށް ދުއްވި 9 އުޅަނދެއް ހިފަހައްޓައިފައިވާ ކަމަށް ދިވެހި ފުލުހުންގެ ޚިދުމަތުން ބުނެފިއެވެ. 

ފުލުހުން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ މިހިނގާ ސެޕްޓެންބަރު މަހުގެ 8ވަނަ ދުވަހާއި 9ވަނަ ދުވަހު ނުރައްކާތެރިކޮށް ދުއްވި 5 ކާރެއް ހިފަހައްޓައިފައިވާ ކަމަށެވެ. 

މީގެއިތުރުން 229 ސައިކަލަކާއި 30 ކާރެެއް ބަލައިފާސްކޮށްފައިވާ ކަމަށެވެ. އަދި 53 ސައިކަލަކާއި 2 ކާރަކަށް ވަނީ ފިޔަވަޅު އަޅައިފައެވެ. ހަމަމިއާއިއެކު ލައިސެންސް ނެތި ދުއްވި 8 ސައިކަލެއްގެ މައްސަލައާއި، 14 ސައިކަލަކާއި 3 ކާރެއް ޓޯކޮށްފައިވާ ކަމަށްވެސް ބުނެފައިވެއެވެ. 

އަދި ރައްކާތެރި ނޫން ގޮތުގައި ސައިކަލު ދުއްވި 37 މީހަކަށް ނަސޭހަތް ދީފައިވާ ކަމަށްވެސް ފުލުހުން ވަނީ ބުނެފައެވެ. 

މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށް ފުލުހުން ކުރަމުންދާ މަސައްކަތުގެ ތެރެއިން ސެޕްޓެންބަރު 8 ވަނަ ދުވަހުގެ 18:00 އިން ފެށިގެން ސެޕްޓެންބަރު 9 ވަނަ ދުވަހުގެ 18:00 އަށް ހުޅުމާލޭގައި ކޮށްފައިވާ މަސައްކަތުގެ ތަފާސް ހިސާބު pic.twitter.com/eeIpmFK70F

— Maldives Police (@PoliceMv) September 11, 2024

މީގެއިތުރުން ސެޕްޓެމްބަރު 9ވަނަ ދުވަހުން 10ވަނަ ދުވަހު 10 ކާރަކާއި 22 ސައިކަލެއް ބަލައިފާސްކޮށްފައިވެއެވެ. އަދި ސައިކަލު ދުއްވި 19 މީހަކާއި ކާރު ދުއްވި 9 މީހަކަށް ފިޔަވަޅުއަޅައިފައިވެއެވެ. 

 ލައިސެންސް ނެތި ސައިކަލު ދުއްވި 15 މީހެއްގެ ލައިސެންސާއި، ލައިސެންސް ނެތި ކާރު ދުއްވި 2 މީހެއްގެ ލައިސެންސް އެދެދުވަހު ހިފަހައްޓައިފައި ވާކަމަށްވެސް ފުލުހުންވަނީ ބުނެފައެވެ.

މީގެއިތުރުން އެދެދުވަހު 3 ކާރަކާއި، 19 ސައިކަލެއް ވަނީ ޓޯކޮށްފައެވެ.

މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށް ފުލުހުން ކުރަމުންދާ މަސައްކަތުގެ ތެރެއިން ސެޕްޓެންބަރު 9 ވަނަ ދުވަހުގެ 09:00 އިން ފެށިގެން ސެޕްޓެންބަރު 10 ވަނަ ދުވަހުގެ 09:00 އަށް މާލޭގައި ކޮށްފައިވާ މަސައްކަތުގެ ތަފާސް ހިސާބު pic.twitter.com/DE9vYZPGgK

— Maldives Police (@PoliceMv) September 11, 2024

 އިތުރުވަމުންދާ ޓްރެފިކްގެ މައްސަލަތަކާއި، އެކްސިޑެންޓްގެ މައްސަލަތައް ހައްލުކުރުމަށް ފުލުހުން ދަނީ ޚާއްސަ ހަރަކާތްތަކެއް ހިންގަމުންނެވެ.