Ads by Exprox

ޚަބަރު

ޓެކްނޮލޮޖީގެ ދާއިރާއިން އެއްބާރުލުން ދިނުމުގެ އެއްބަސްވުމެއްގައި އެސްޓޯނިއާއާއެކު ސޮއިކޮށްފި

ޓެކްނޮލޮޖީގެ ދާއިރާއިން އެއްބާރުލުން ދިނުމުގެ އެއްބަސްވުމެއްގައި އެސްޓޯނިއާއާއެކު ސޮއިކޮށްފި

ޓެކްނޮލޮޖީގެ ދާއިރާއިން އެއްބާރުލުން ދިނުމުގެ އެއްބަސްވުމުގައި ސޮއިކުރުން، ފޮޓޯ: މިނިސްޓްރީ

farudhun logo

ފަރުދުން

16 ޖެނުއަރީ 2025، 08:01

16 ޖެނުއަރީ 2025، 08:01

ހުލާސާ

މި އެއްބަސްވުމުގެ ދަށުން، އާޓިފިޝަލް އިންޓެލިޖެންސް ސްމާޓް ޓެކްނޮލޮޖީސްގެ އިތުރުން، އިންފޮމޭޝަން ޓެކްނޮލޮޖީ އާއި ސައިބަރ ސެކިއުރިޓީގެ ދާއިރާއިން އެއްބާރުލުން ދިނުމަށް ވަނީ ހަމަޖެހިފައި.

އާޓިފިޝަލް އިންޓެލިޖެންސް ސްމާޓް ޓެކްނޮލޮޖީސް ހިމެނޭހެން ޓެކްނޮލޮޖީގެ ދާއިރާއިން އެއްބާރުލުން ދިނުމުގެ އެއްބަސްވުމެއްގައި ރާއްޖެއާއި އެސްޓޯނިއާއާ ދެމެދު ސޮއިކޮށްފިއެވެ.

މި އެއްބަސްވުމުގައި ސޮއިކޮށްފައިވަނީ، ރައީސުލްޖުމްހޫރިއްޔާ މިހާރު އެސްޓޯނިއާއަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިންނެވެ. ސަރުކާރުގެ ފަރާތުން މި އެއްބަސްވުމުގައި ސޮއިކުރެއްވީ ދާޚިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިޙުސާންއެވެ. އަދި އެސްޓޯނިޔާގެ ފަރާތުން މި އެއްބަސްވުމުގައި ސޮއިކުރެއްވީ މިނިސްޓްރ އޮފް ޖަސްޓިސް އެންޑް ޑިޖިޓަލް އެފެއާޒް ލީސާ-ލީ ޕަކޯސްޓާއެވެ.

މި އެއްބަސްވުމުގެ ދަށުން، އާޓިފިޝަލް އިންޓެލިޖެންސް ސްމާޓް ޓެކްނޮލޮޖީސްގެ އިތުރުން، އިންފޮމޭޝަން ޓެކްނޮލޮޖީ އާއި ސައިބަރ ސެކިއުރިޓީގެ ދާއިރާއިން އެއްބާރުލުން ދިނުމަށް ވަނީ ހަމަޖެހިފައެވެ.

އެސްޓޯނިއާއަކީ ޓެކްނޮލޮޖީގެ ދާއިރާގައި މުޅި ދުނިޔޭގައި ވެސް އެންމެ ކުރިއަރާފައިއޮތް ޤައުމެވެ. އަދި އެތައް ޤައުމެއް އަންނަނީ އެކަމުގައި އެ ޤައުމު ނަމޫނާއަކަށް ބަލަމުންނެވެ. ސަބަބަކީ އެޤައުމަކީ ޑިޖިޓަލް ގަވަރނަންސާއި އީ-ސަރވިސްގައި ދުނިޔޭގެ ލީޑަރުގެ ގޮތުގައި ފާހަގަކުރެވޭ ޤައުމުކަމަށް ވުމެވެ. 

ރައީސުލްޖުމްހޫރިއްޔާގެ މި ދަތުރުފުޅު ޙާއްސަ ވެސް ކުރައްވާފައިވަނީ، ޓެކްނޮލޮޖީގެ ދާއިރާއިން އެ ޤައުމުން ހާސިލްކުރި ކާމިޔާބީތަކުގެ އަލީގައި، ދިވެހިރާއްޖޭގެ ހިންގުމުގައި ޒަމާނީ ޓެކްނޮލޮޖީއާއި ޒަމާނީ ގޮތްތަކާއި އީޖާދީ ވިސްނުންތައް ހޯއްދެވުމެވެ.  

މި ލިޔުން ކިޔާލުމުން

Ads by MSS