ތިން ކައުންސިލަކަށް ފަޅުރަށްތައް ޙަވާލުކުރުމަށް ސަރުކާރުން ނިންމައިފި

ރާއްޖޭގެ ތިން ކައުންސިލަކަށް ފަޅުރަށްތައް ޙަވާލުކުރުމަށް ސަރުކާރުން ނިންމައިފިއެވެ. މިކަން  ހާމަކުރެއްވީ ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާގެ ވަޒީރު އާދަމް ޝަރީފް އުމަރެވެ.

ވަޒީރު އާދަމް ޝަރީފް ވިދާޅުވި ގޮތުގައި، ކައުންސިލްތަކަށް ފަޅުރަށް ލިބޭ ގޮތަށް އިޢުލާނު ކުރެވުނު ސިޔާސަތުގެ ދަށުން، ހުށަހެޅުނު ޕްރޮޕޯސަލްތަކަށް ބަލައި ކައުންސިލްތަކަށް ފަޅުރަށްތައް ޙަވާލުކުރުމަށް ރައީސް އޮފީހުން ވަނީ ނިންމަވާފައެވެ.

މި ނިންމުމުގެ ދަށުން ފަޅުރަށްތައް ޙަވާލުކުރެވޭނީ ރ. އިނގުރައިދޫ ކައުންސިލަށް ރ. ނެޔޮ،  ދ. އަތޮޅު ކައުންސިލަށް ދ. މިނިމަސްގާލި އަދި ދ. ފެންފުށި، އަދި ލ. މާވަށު ކައުންސިލަށް ލ. ބޮޑުމާބުޅަލިއެވެ.

ވަޒީރު އިތުރަށް ވިދާޅުވި ގޮތުގައި، މި ކައުންސިލްތަކަށް ފަޅުރަށްތައް ޙަވާލުކުރުމުގެ މަސައްކަތް ކުރިއަށް ގެންދާނީ މިނިސްޓްރީ އޮފް ފިނޭންސް އެންޑް ޕްލޭނިންގ އާއި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ ގުޅިގެންނެވެ.

ފަޅުރަށްތައް ޙަވާލުކުރެވޭ ކައުންސިލްތަކަށާއި އެ ރަށްރަށުގެ އެންމެހައި ރައްޔިތުންނަށް ވަޒީރު މަރުޙަބާ ދަންނަވައި، މި ފުރުޞަތުގެ ބޭނުން އެންމެ ފުރިހަމަ ގޮތުގައި ހިފުމަށް އިލްތިމާސް ކުރެއްވިއެވެ.

Council thakah falhurah libey gothah RJ @MMuizzu iulaanu kurevvi siyaasathuge dhashun, proposal hushahelhi council thakah falhu rahthah havaalu kurevvumah RJ nimmavaifi.

Thireegaivaa council thakah falhu rahthah havaalu kurumuge masakkaiy Ministry of Finance and Planing @MoFmv…

— Adam Shareef Umar (@Adamshareefz) January 16, 2025