ޚަބަރު
ފުލުހުން ތަހުޤީޤު ކުރަމުންދާ މައްސަލައަކާ ގުޅިގެން މީހަކު ހޯދުމަށް އިޢުލާންކޮށްފި

ފުލުހަށް ހާޒިރުކުރުމަށް ބޭނުންވާ މީހާ---
ހުލާސާ
އޭނާ އެ ޚިދުމަތަށް ހާޒިރުކުރުމަށް ބޭނުންވަނީ، ތަހުޤީޤާ ގުޅިގެން ސުވާލުކުރުމަށް.
ދިވެހި ފުލުހުންގެ ޚިދުމަތުން ތަހުޤީޤު ކުރަމުންދާ މައްސަލައަކާ ގުޅިގެން ދިވެއްސަކު ހޯދުމަށް އެމީހާގެ ވަނަވަރު އިޢުލާންކޮށްފިއެވެ.
ފުލުހުން ހޯދުމަށް ބޭނުންވެގެން އިޢުލާންކޮށްފައިވަނީ ގއ. ދާންދޫ، ސޯސަންގެ، އިސްމާއީލް އަޙްމަދު (37 އަހަރު)އެވެ.
ފުލުހުންގެ އިދާރާއިން ހާމަކޮށްފައިވާ ގޮތުގައި، އެ މީހާ ފުލުހަށް ހާޒިރުކުރުމަށް ބޭނުންވަނީ، ގއ. ދާންދޫ ޕޮލިސް ސްޓޭޝަނުުން ތަހުޤީޤު ކުރަމުންދާ ވައްކަމުގެ މައްސަލައަކާ ގުޅިގެންނެވެ.
އަދި އޭނާގެ ވަނަވަރު އާންމުކުރީ، އޭނާ އުޅޭ ވަކިތަނެއް އެނގިފައި ނުވުމާ ގުޅިގެން، ތަހުޤީޤަށް ހާޒިރުވުމުގެ ޗިޓު ރައްދުކުރެވިފައި ނުވާތީކަމަށް ވެސް ފުލުހުން ވަނީ ބުނެފައެވެ.
މި މައްސަލައިގައި އޭނާ އެ ޚިދުމަތަށް ހާޒިރުކުރުމަށް ބޭނުންވަނީ، ތަހުޤީޤާ ގުޅިގެން ސުވާލުކުރުމަށެވެ.
އެގޮތުން، 2025 ޖެނުއަރީ 23 ވަނަ ދުވަހުގެ 11:00އަށް، ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގއަށް ހާޒިރުވުމަށް އިސްމާއިލް އަޙްމަދަށް އެންގުމުގެ ގޮތުން ފުލުހުން ވަނީ އެކަން އާންމުކޮށް އިޢުލާންކޮށްފައެވެ.
ފުލުހުންގެ ތަހުޤީޤަށް ހާޒިރުކުރަން ބޭނުންވާ މީހުންގެ ވަނަވަރު މިފަދަ ހާލަތްތަކުގައި އިޢުލާންކުރަމުން ދަނީ، ޖިނާޢީ ޢިޖުރާއަތުގެ ޤަވާއިދުގެ 27 ވަނަ މާއްދާގައިވާ ގޮތުގެމަތިންނެވެ.