Ads by Exprox

ޚަބަރު

ޙާއްސަ އެހީއަށް ބޭނުންވާ ކުއްޖަކަށް ސްކޫލުގައި އަނިޔާކުރި ޓީޗަރެއްގެ މައްސަލަ ބަލަނީ

ޙާއްސަ އެހީއަށް ބޭނުންވާ ކުއްޖަކަށް ސްކޫލުގައި އަނިޔާކުރި ޓީޗަރެއްގެ މައްސަލަ ބަލަނީ

ޝަޙީދު ޙުސެއިން އާދަމް ބިލްޑިންގ---

farudhun logo

ފަރުދުން

16 ޖެނުއަރީ 2025، 09:00

16 ޖެނުއަރީ 2025، 09:00

ހުލާސާ

މިކަމާ ގުޅިގެން މިނިސްޓަރު އެދިވަޑައިގެންނެވީ، އުފާވެރި އަމާން މާހަޢުލެއްގައި ދަރިވަރުން ތަޢުލީމު ހާސިލްކުރުމަށް ޓީޗަރުން ޙާއްސަ ސަމާލުކަމެއް ދެއްވުމަށް.

ޙާއްސަ އެހީއަށް ބޭނުންވާ ކުއްޖަކަށް މާލޭ ސަރަޙައްދުގެ ސްކޫލެއްގައި ޖިސްމާނީ އަނިޔާކުރި މައްސަލައެއް ފެންމަތިވެ އެ މައްސަލަ ބެލުމަށް ފުލުހުންނަށް ހުށަހަޅައިފިއެވެ.

މިކަމާ ގުޅިގެން އެޑިއުކޭޝަން މިނިސްޓްރީއިން ފާހަގަކޮށްފައިވާ ގޮތުގައި، އެ ކުއްޖާއަށް ޖިސްމާނީ އަނިޔާކުރިކަން ސްކޫލުން މިނިސްޓްރީއަށް އެންގި ކަމަށާއި އަދި މިނިސްޓްރީއަށް އެކަން އެންގުމުން އެ މައްސަލަ ބެލުމަށް މިހާރު ފުލުހުންނަށް ހުށަހަޅާފައިވާކަމަށް ވެސް މިނިސްޓްރީއިން ހާމަކޮށްފައިވެއެވެ.

މި ހާދިސާއާ ގުޅިގެން އެޑިއެކޭޝަން މިނިސްޓަރ، ޑރ. އިސްމާޢިލް ޝަފީއު ވިދާޅުވީ، މިފަދަ ކަންކަމަކީ ބަލައިގަނެވޭނެ ކަންކަމެއް ނޫން ކަމަށާއި، މިފަދަ މައްސަލަތައް ބެލުމުގައި މިނިސްޓްރީއިން ޒިންމާދާރުކަމާއެކު މަސައްކަތްކުރާނެ ކަމަށެވެ. އަދި މިފަދަ ކަންކަން ތަކުރާރުނުވާނޭހެން ފިޔަވަޅު އަޅަމުން ދާނެ ކަމަށް ވެސް މިނިސްޓަރު ވިދާޅުވިއެވެ.

މީގެ އިތުރުން، ޒިންމާދާރުކަމާއެކު ދަރިވަރުންގެ ޙައްޤުތައް ހިމާޔަތްކޮށް އުފާވެރި އަމާން މާހަޢުލެއްގައި ދަރިވަރުން ތަޢުލީމު ހާސިލްކުރުމަށް ޓީޗަރުން ޙާއްސަ ސަމާލުކަމެއް ދެއްވުމަށް މިނިސްޓަރ ވަނީ އެދިވަޑައިގަންނަވާފައެވެ. 

މި ލިޔުން ކިޔާލުމުން

Ads by MSS