ކޮލަމް / ޚަބަރު
މިދިޔަ ޑިސެމްބަރުމަހު ޓްރެވަލަރ އުމްރާ ގްރޫޕުން ހުޅުވާލީ ބޭނުންވަރަކަށް އުމްރާ ވުމުގެ ފުރުސަތު : އަޅުކަމުގެ ތާރީޚީ ދަތުރުއް

ޓްރެވަލަރ އުމްރާ ގްރޫޕުން ޑިސެމްބަރު މަހު މައްކާއަސް އުމްރާގެ އަޅުކަން އަދާކުރަން ޒިޔާރަތްކުރި ބައެއް ފަރާތްތައް ފޮޓޯ: ޓްރެވަލަރ
މިދިޔަ އަހަރުގެ ޑިސެމްބަރު މަހު، ޓްރެވަލަރ އުމްރާ ގްރޫޕުން ވަނީ އިސްލާމް ދީނުގެ މުހިންމު އަޅުކަމެއް ކަމުގައިވާ އުމްރާގެ އަޅުކަން އަދާކުރުމަށް ދިވެހިންނަށް ފަހި ފުރުޞަތުތަކެއް ހުޅުވާލައިފައެވެ. މި ދަތުރަކީ އަމިއްލަ އުމްރާ ގްރޫޕަކުން އެއްފަހަރާ އެންމެ ގިނަ އަދަދެއްގެ ހާޖީން ގެންދިޔުމުގެ ރިކޯޑު ޤާއިމްކުރި ދަތުރަކަށް ހަމަގައިމުވެސް ވާނެއެވެ. މި ދަތުރުގައި 600 ހާޖީން ބައިވެރިވެފައިވެއެވެ.
ޓްރެވަލަރ އުމްރާ ގްރޫޕުން މި ދަތުރުގައި ހާޖީންނަށް ދީފައިވާ އެންމެ ބޮޑު އެއް ފުރުޞަތަކީ ބޭނުންވާ ވަރަކަށް އުމްރާ ކުރުމުގެ ފުރުޞަތު ހުޅުވާލުމެވެ. މިކަމުގެ ސަބަބުން، އެވްރެޖްކޮށް ކޮންމެ އުމްރާވެރިއަކުވެސް 5 އުމްރާ ވެފައިވާއިރު، ބައެއް އުމްރާވެރިން ވަނީ 9 އުމްރާ ކޮށްފައެވެ. ހާޖީންނަށް ފަސޭހަކޮށްދިނުމުގެ ގޮތުން، ޓްރެވަލަރގެ ޚަރަދުގައި 15 ދުވަހުގެ މުއްދަތަށް ކޮންމެ ރެއަކު މީޤާތު ބަސް ހަމަޖައްސާފައިވުމަކީ، އުމްރާގެ އަޅުކަން ފަސޭހަކަމާއެކު އަދާކުރުމަށް ލިބުނު ބޮޑު ފުރުޞަތެކެވެ.
5 ދުވަހަކަށް ބަހާލައިގެން ޠާއިފްއަށް ދަތުރުތަކެއް އިންތިޒާމްކުރުމާއި، މަދީނާގައި ރައުޟާއަށް ފުރަތަމަ ފަހަރު ވަނުމުގެ ފުރުސަތު ނުލިބުނު ފަރާތްތަކަށް ދެވަނަ ފުރުޞަތެއް ހޯދައިދިނުމަކީ، މިފަދަ ކުރު އުމްރާތަކަށްދާ ހާޖީންނަށް ގްރޫޕްގެ ފަރާތުން ދޭ ބޮޑު އަހައްމިއްޔަތުކަން ދައްކުވައިދިން ކަމެކެވެ.

ޑިސެމްބަރު މަހުގެ އުމްރާގެ ތެރެއިން
ހާޖީންގެ ތިބުމުގެ އިންތިޒާމް ޙަރަމްފުޅާ ވީހާވެސް ކައިރިން ހަމަޖެއްސުމާއި، ދިވެހިންނާ ގުޅޭގޮތަށް ކެއުމުގެ ކަންކަން ބެހެއްޓުމަށްޓަކައި ރާއްޖެއިން ޝެފުން ގެންދިއުމަކީ، ދަތުރުގެ ފަސޭހަކަމާއި ހިތްހަމަޖެހުން އިތުރުކޮށްދިން ކަމެއްގެ ގޮތުގައި ދަތުރުގެ ބައިވެރިން ފާހަގަ ކުރެއްވިއެވެ. އެ ގްރޫޕްގެ އިންތިޒާމްތަކުގެ ތެރެއިން ގިނަ ބަޔަކު ފާހަގަކުރާ އެއް ކަމަކީ ކެޔުން ރަނގަޅުވުމެވެ.
ޓްރެވަލަރ އުމްރާ ގްރޫޕުން މިފަދަ ބޮޑު އަދަދެއްގެ ހާޖީން ގެންދިއުމުގެ މައިގަނޑު މި މަޤްޞަދު ޙާޞިލުކުރުމަށްޓަކައި ކުރިމަތިވި ގޮންޖެހުންތައް ޙައްލުކުރުމަށް އެދެވޭ މަސައްކަތްތަކެއް ކުރެވުނުކަން ފާހަގަކުރިއެވެ. މިފަދަ ބޮޑު ދަތުރެއް އިންތިޒާމްކުރުމުގައި ދިމާވާ ގޮންޖެހުންތަކަށް ޙައްލު ހޯދުމަކީ، ކުރިމަގުގައި މިފަދަ ދަތުރުތައް އިތުރަށް ފުޅާކޮށް، ފަސޭހަކަމާއެކު ކުރިއަށް ގެންދިއުމަށް މަގުފަހިވާނެ ކަމެކެވެ.

އުމްރާވެރިން މަދީނާގައި
ޓްރެވަލަރ އުމްރާ ގްރޫޕުގެ މި ދަތުރަކީ، ދިވެހި މުޖުތަމަޢުގައި އަމިއްލަ އުމްރާ ގްރޫޕްތަކުންވެސް ހާޖީންނަށް ހޯދައިދޭ ފަހި ފުރުސަތުތަކާއި ބެލެހެއްޓުންތެރިކަން ދައްކުވައިދިން ދަތުރެކެވެ. މިފަދަ ދަތުރުތަކުގެ ސަބަބުން، އާންމު ރައްޔިތުންނަށް އުމްރާގެ އަޅުކަން އަދާކުރުމަށް ލުއިފަސޭހަ މަގުތަކެއް ތަނަވަސްވެގެންދާނެއެވެ.