ޚަބަރު
މޫދަށް އެރިއުޅެނިކޮށް އޮޔާ ދަމާގަތް މީހަކު އެމްޓީސީސީ ފެރީއަކުން ސަލާމަތްކޮށްފި

މާލެ އަދި ވިލިގިލީ ދަތުރުކުރާ އެމްޓީސީސީ ފެރީއެއް ފޮޓޯ:އެމްޓީސީސީ
މިއަދު ހަވީރު 3:55 ހާއިރު ވިލިމާލޭގައި މޫދަށް އެރިއުޅުނު މީހަކު އޯޔާ ދަމާގަތް ކަމުގެ ރިޕޯޓެއް ފުލުހުންނަށް ވަނީ ލިބިފައެވެ. މިމީހާވަނީ އެމްޓީސީސީގެ ފެރީއަކުން ސަލާމަތްކޮށްފައެވެ.
އޮޔާ ދަމާގަތް މީހާއަށް ފަރުވާ ދިނުމަށްފަހު އިތުރު ފަރުވާއަށް މާލެ ވަނީ ގެންގޮސްފައެވެ. މި މީހާގެ ހާލަތު ސްޓޭބަލް ކަމަށް ހޮސްޕިޓަލުން ފުލުހުންނަށް ވަނީ މަޢުލޫމާތު ދީފައެވެ.
މި ކަމާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.