އިއްޒުއްދީންމަގާއި އަމީނީމަގުގެ ފެން ހިންދާ ނިޒާމު ރަނގަޅުކޮށްފި

މާލޭގެ މައި މަގުތަކުގެ ތެރެއިން އިއްޒުއްދީންމަގާއި އަމީނީމަގުގެ ފެން ހިންދާ ނިޒާމު ރަނގަޅުކުރުމުގެ މަސައްކަތް ނިންމާލައިފިކަމަށް ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން މިއަދު ހާމަކޮށްފިއެވެ.

އާރްޑީސީގެ މީސްމީޑިއާގައި ކުރި ޕޯސްޓެއްގައި ބުނެފައިވާ ގޮތުގައި، އިއްޒުއްދީންމަގު ފުޑް ކޯޓު ސަރަހައްދާއި އަމީނީމަގުން ފެށިގެން ބޮޑުތަކުރުފާނު މަގު ނިމޭ ހިސާބުގައި ހުރި ޕަމްޕްތަކުން ފެން ހިންދާ ނިޒާމާއި ގުޅިފައިވާ ސްޓޯމް ވޯޓަރ ނެޓްވޯކް ސާފުކުރުމުގެ މަސައްކަތް ވަނީ ނިންމާލެވިފައެވެ.

އާރްޑީސީގެ ފަރާތުން އިއްޒުއްދީންމަގު ފުޑް ކޯރޓް ސަރަހައްދާއި އަމީނީމަގުން ފެށިގެން ބޮޑުތަކުރުފާނު މަގު ނިމޭ ހިސާބުގައި ހުރި ޕަމްޕް ތަކުން ފެން ހިންދާ ނިޒާމާއި ގުޅިފައިވާ ސްޓޯރމް ވޯޓަރ ނެޓްވޯރކް ސާފަުކުރުމުގެ މަސައްކަތް ވަނީ ނިންމާލެވިފައި. މިކަމުގެ ސަބަބުން ވާރޭ ވެހި… pic.twitter.com/UQMOrxWh6I

— Road Development Corporation Ltd (@rdcmaldives) January 17, 2025

މި މަސައްކަތް ނިންމާލުމުގެ ސަބަބުން، ވާރޭވެހި މި ސަރަހައްދުގައި ފެންބޮޑުވާ މައްސަލައަށް އެކަށީގެންވާ ހައްލެއް ލިބިގެންދާނެ ކަމަށް އާރްޑީސީން ބުނެފައިވެއެވެ. މިއީ މާލޭގެ ގިނަ ރައްޔިތުންނަށް ދިމާވަމުން އައި ބޮޑު މައްސަލައަކަށް ލިބިގެންދިޔަ ހައްލެކެވެ.

މި މަސައްކަތް ކުރިއަށް ގެންގޮސްފައިވަނީ މާލޭގެ މަގުތަކުގައި ވާރޭވެހޭ މޫސުމުގައި ފެންބޮޑުވުމުގެ މައްސަލަ ހައްލުކުރުމަށް ސަރުކާރުން ކުރަމުންދާ މަސައްކަތްތަކުގެ ތެރެއިންނެވެ.