ވިޔަފާރި / ޚަބަރު
ރޯދަޔަށް ގޭބިސީތަކަށް ހިލޭ ބަހާ މަސްދަޅުން 40 ގްރާމް މަސް އުންޏެއް ނުވާނެ: މިފްކޯ

މިފްކޯ ދަޅުމަސް ފޮޓޯ:މިފްކޯ
ރަމަޟާން މަހަށް ސަރުކާރުން ގޭބިސީތަކަށް ހިލޭ ބަހާ މަސްދަޅުތަކާ ގުޅޭގޮތުން ދޮގު މަޢުލޫމާތު ފެތުރެމުންދާކަން ފާހަގަކޮށް އެކަމުގެ ހަޤީޤަތް މިފްކޯއިން ސާފުކޮށްދެއްވައިފިއެވެ.
ރައީސްގެ ވަޢުދުފުޅާ އެއްގޮތަށް ބަހާ މަސްދަޅުތަކުގައި 40 ގްރާމަށްވުރެ މަދުން މަސް ނުހުންނާނެކަމުގެ ޔަޤީންކަން މިފްކޯއިން ވަނީ ދީފައެވެ.
އަދި 140 ގްރާމުގެ މަސްދަޅުތައް ބާޒާރަށް ނެރެފައިވަނީ ކުދި ގޭބިސީތަކަށް އަމާޒުކޮށްގެން ކަމަށާއި، އެއީ އެއްފަހަރު ބޭނުންކޮށްލެވޭނެ މިންވަރު ކަމުގައި ވަނީ ބުނެފައެވެ. ސަބަބަކީ ފްރިޖުގައި ގިނަ ދުވަހަށް ބެހެއްޓުމަކީ ރަނގަޅުކަމަކަށް ނުވާތީކަން މިފްކޯއިން ވަނީ ހާމަކޮށްފައެވެ.
ރައީސްގެ ވައުދުފުޅާ އެއްގޮތަށް ރޯދަޔަށް ގޭބިސީތަކަށް ހިލޭ ބަހާ މަސްދަޅުން 40 ގްރާމް މަސް އުންޏެއް ނުވާނެ. ފަތުރަމުން ދަނީ ދޮގު ވާހަކަތަކެއް. 140g ބާޒާރަށް ނެރުނީ ކުދި ގޭބިސީތަކަށް އަދި އެއްފަހަރު ބޭނުންކުރެވޭ އެއްޗެއްގެ ގޮތުގައި. މަސް ދަޅު ފްރިޖު ކުރުމަކީ ރަނގަޅު ކަމަކަށް ނުވާތީ
— MIFCO (@mifcomv) January 19, 2025
ސަރުކާރުން މި މަޢުލޫމާތު ހާމަކުރެއްވީ، ރޯދަ މަހަށް ތައްޔާރުވުމުގެ ގޮތުން ގޭބިސީތަކަށް ބަހާ މަސްދަޅުތަކާ ގުޅޭގޮތުން އެކި ފަރާތްތަކުން ތަފާތު ވާހަކަތައް ދައްކަމުން ދިޔުމާ ގުޅިގެންނެވެ.