ފުލުހުންގެ ތަޙްޤީޤަށް ހާޒިރުކުރުމަށް ބޭނުންވާ މީހެއްގެ ވަނަވަރު އާންމުކޮށްފި

ފުލުހުންގެ ތަޙްޤީޤަށް ހާޒިރުކުރުމަށް ބޭނުންވާ ދިވެއްސެއްގެ ވަނަވަރު އާންމުކޮށްފިއެވެ.

މި މީހާ ހޯދުމަށް ފުލުހުން އިޢުލާންކުރީ، ލ. މާވަށް، އިތާ، ޙުސެއިން ނާއިސު މުޙައްމަދު (30 އަހަރު)އެވެ. 

މި މީހާ ހާޒިރުކުރުމަށް ބޭނުންވަނީ ހުޅުމާލެ ފޭސް-2 ޕޮލިސް އިންވެސްޓިގޭޝަނުން ތަޙުޤީޤު ކުރަމުންދާ މަކަރާއި ހީލަތުގެ މައްސަލައަކާ ގުޅިގެންކަމަށް ފުލުހުން ހާމަކޮށްފައިވެއެވެ. 

އަދި އޭނާގެ ވަނަވަރު އާންމުކުރީ، އޭނާ އުޅޭ ވަކިތަނެއް އެނގިފައި ނުވުމާ ގުޅިގެން، ތަހުޤީޤަށް ހާޒިރުވުމުގެ ޗިޓު ރައްދުކުރެވިފައި ނުވާތީކަމަށް ވެސް ފުލުހުން ވަނީ ބުނެފައެވެ. 

އެގޮތުން، 2025 ޖެނުއަރީ 25 ވަނަ ދުވަހުގެ 16:00އަށް، ނުވަތަ ވީ އެންމެ އަވަހަކަށް ހުޅުމާލެ ފޭސް-2 ޕޮލިސް ސްޓޭޝަނަށް ހާޒިރުވުމަށް ޙުސެއިން ނާއިސަށް އެންގުމުގެ ގޮތުން ފުލުހުން ވަނީ އެކަން އާންމުކޮށް އިޢުލާންކޮށްފައެވެ.

ފުލުހުންގެ ތަހުޤީޤަށް ހާޒިރުކުރަން ބޭނުންވާ މީހުންގެ ވަނަވަރު މިފަދަ ހާލަތްތަކުގައި އިޢުލާންކުރަމުން ދަނީ، ޖިނާޢީ ޢިޖުރާއަތުގެ ޤަވާއިދުގެ 27 ވަނަ މާއްދާގައިވާ ގޮތުގެމަތިންނެވެ.