ޚަބަރު
ޝަރުޢީ ދާއިރާގައި ގިނަ ޚިދުމަތްތަކެއް ކުރެއްވެވި ޝުޢައިބު އަވަހާރަވެއްޖެ

ހައި ކޯޓުގެ ކުރީގެ ފަނޑިޔާރު ޝުއައިބު، ފޮޓޯ: މިހާރު

ފަރުދުން
19 ޖެނުއަރީ 2025، 07:42
19 ޖެނުއަރީ 2025، 07:42
ހުލާސާ
ޝުޢައިބު ވަނީ ހައިކޯޓުގެ ފަނޑިޔާރެއްގެ މަޤާމު 11 އަހަރުވަންދެން އަދާކުރައްވާފައި.
ޝަރުޢީ ދާއިރާގައި ގިނަ ޚިދުމަތްތަކެއް ކުރެއްވެވި ޝުއައިބު ޙުސައިން ޒަކަރިއްޔާ މިއަދު އަވަހާރަވެއްޖެއެވެ. ބައެއް މިޑިއާތަކުން ރިޕޯޓުކޮށްފައިވާ ގޮތުގައި، ޝުޢައިބު އަވަހާރަވީ ކެންސަރު ބައްޔަށް ފަރުވާހޯއްދަވަމުން ދަނިކޮށް، އުމުރުން 55 އަހަރުފުޅުގައެވެ.
ޝުޢައިބުގެ ތަޢުލީމީ ހަޔާތްޕުޅުގައި، 1997ގައި ޤަޠަރު ޔުނިވާރސިޓީން ޤާނޫނީ ދާއިރާއިން ފުރަތަމަ ޑިގްރީ ހާސިލްކުރެއްވުމުގެ އިތުރުން، 2006ގައި މާސްޓާސް އޮފް ކޮމްޕަރޭޓިވް ލޯ ހެއްދެވީ މެލޭޝިއާގެ އިންޓަނޭޝަނަލް އިސްލާމިކް ޔުނިވާސިޓީންނެވެ.
ދިވެހިރާއްޖޭގެ ހައިކޯޓުގެ ފަނޑިޔާރެއްގެ މަޤާމު ވެސް ޝުޢައިބު ވަނީ ފުރުއްވާފައެވެ. އެގޮތުން ހައިކޯޓުގެ ފަނޑިޔާރުކަމަށް ޝުޢައިބު އައްޔަންކުރައްވާފައިވަނީ މާޗު 26، 2011ގައެވެ. އަދި 11 އަހަރުގެ ޚިދުމަތަށްފަހު މަސައްކަތުން މުސްކުޅިކުރެއްވީ ނޮވެމްބަރު 22، 2022 ގައެވެ.
ހައިކޯޓުގެ ފަނޑިޔާރުކަމުގެ އިތުރުން، ޝުޢައިބު ވަނީ ޝަރުޢީ ދާއިރާގައި ގިނަ ދުވަސްތަކެއް ވަންދެން ޚިދުމަތްކުރައްވާފައެވެ. އޭގެތެރޭގައި ޖަސްޓިސް މިނިސްޓްރީގެ ލީގަލް އޮފިސަރުކަމާއި، ޙާއްސަ ޤާޒީކަމާއި، ޢާއިލާއާ ބެހޭ ކޯޓުގެ ޤާޒީކަމާއި، މަދަނީ ކޯޓާއި ކުޑަކުދިންނާ ބެހޭ ކޯޓުގެ އިސްޤާޒީކަން ހިމެނެއެވެ. މީގެއިތުރުން ފަނޑިޔާރުންގެ ޖަމްޢިއްޔާގެ ރައީސްކަން ވެސް ޝުއައިބު ކުރެއްވެވިއެވެ.