ކަރަންޓު ވިއުގައިގެ އަޕްގްރޭޑް މަސައްކަތަކަށް، ހެންވޭރުގެ ބައެއް ގެތަކުން މިއަދު ހެނދުނު ކަރަންޓު ކެނޑިދާނެ

ކަރަންޓު ވިއުގައިގެ އަޕްގްރޭޑް މަސައްކަތްތަކެއް މިއަދު ހެނދުނު ކުރުމަށް ހަމަޖެހިފައިވާތީ، އެ ވަގުތުތަކުގައި ހެންވޭރުގެ ބައެއް ގެތަކުން ކަރަންޓު ކެނޑިދާނެކަމަށް ސްޓެލްކޯއިން ހާމަކޮށްފިއެވެ.

އެ ކުންފުނިން ހާމަކޮށްފައިވާ ގޮތުގައި، މި މަސައްކަތް ކުރިޔަށްދާނީ، މާލެ ސިޓީ، ހިތިގަސް މަގު، ރަތްވިލާ މަގު، ހީނާ ގޯޅި އަދި މޫންލައިޓް ހިނގުން ހިމެނޭ ސަރަޙައްދުގައެވެ.

އަދި މި މަސައްކަތް ކުރުމަށް ހަމަޖެހިފައި ވަނީ ހެނދުނު 09:30 އާއި 11:30 އާއި ދެމެދުކަމަށް ވެސް އެ ކުންފުނިން ހާމަކޮށްފައިވެއެވެ. 

މިކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް މާލެ ސިޓީ، ހިތިގަސް މަގު، ރަތްވިލާ މަގު، ހީނާ ގޯޅި އަދި މޫންލައިޓް ހިނގުން ހިމެނޭ ސަރަޙައްދުން މިއަދު (20 ޖަނަވަރީ 2025) ހެނދުނު 09:30 އާއި 11:30 އާ ދެމެދު ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް.… pic.twitter.com/wNimEkXRs9

— STELCO (@STELCOMALDIVES) January 20, 2025

މަސައްކަތްކުރާ ވަގުތުގައި މި ހިސާބުގެ ބައެއް ގޭގެއިން ކަރަންޓުގެ ޚިދުމަތް މެދުކެނޑިދާނެތީ، އެ ކުންފުނިން ވަނީ އެކަމަށް މަޢާފަށް އެދިފައެވެ.

ރައްޔިތުންނަށް ފޯރުކޮށްދެމުން އަންނަ ކަރަންޓުގެ ޚިދުމަތް ރަގަޅުކުރުމަށް ސްޓެލްކޯއިން އަންނަނީ އަބަދުވެސް ގިނަ މަސައްކަތްތަކެއް ކުރަމުންނެވެ. 

އެގޮތުން ކަރަންޓުގެ ވިއުގަ އަޕްގްރޭޑު ކުރުމުގެ މަސައްކަތް ދެ ސަރަޙައްދެއްގައި އިއްޔެ ވެސް ވަނީ ކުރިޔަށްގެންގޮސްފައެވެ.