Ads by Exprox

ޚަބަރު

ސަރުކާރު މަޝްރޫޢުތަކުގައި ހަކަތަރި އާލާތްތައް ބޭނުންކުރުމަށް މަސައްކަތް ފަށައިފި

ސަރުކާރު މަޝްރޫޢުތަކުގައި ހަކަތަރި އާލާތްތައް ބޭނުންކުރުމަށް މަސައްކަތް ފަށައިފި

މޫސުމީ ބަދަލުތަކާއި ތިމަވެއްޓާއި ހަކަތައާ ބެހޭ ވަޒީރު ޠާރިޤު އިބްރާހީމް ފޮޓޯ:އަވަސް

އާމިނަތު ޔުމްނާ

އާމިނަތު ޔުމްނާ

20 ޖެނުއަރީ 2025، 02:37

20 ޖެނުއަރީ 2025، 02:37

ސަރުކާރުގެ މަޝްރޫޢުތަކުގައި ބޭނުންކުރާ އިލެކްޓްރޯނިކް އާލާތްތަކަކީ، ހަކަތަރި ޕްރޮގްރާމްގެ ދަށުން ހޯދާ ވަޞީލަތްތަކަށް ހެދުމަށް މަސައްކަތް ކުރަމުންދާކަމަށް މޫސުމީ ބަދަލުތަކާއި ތިމަވެއްޓާއި ހަކަތައާ ބެހޭ ވަޒީރު ޠާރިޤު އިބްރާހީމް ވިދާޅުވެއްޖެއެވެ.

މިކަމާ  ދެއްވި އިންޓަވިއުއެއްގައި ވަޒީރު ވިދާޅުވީ، މި މަސައްކަތް ކުރުމަށް އުސޫލުތަކަށް ބަދަލު ގެނައުމަށް މަސައްކަތް ކުރަމުންދާކަމަށެވެ. އަދި ކުރިއަށް އޮތް މުއްދަތުގައި މާލީ ވުޒާރާއާ ގުޅިގެން ޕަބްލިކް ޕްރޮކިއުމަންޓުގެ ގަވާއިދަށް ހަކަތަރި އިތުރުކޮށް، ސަރުކާރުގެ ޕްރޮކިއުމަންޓްގައި ހަކަތަ ސަމަކާރަކުރުމަށް އިސްކަމެއްދޭނޭ ނިޒާމެއް ގާއިމުކުރުމަށް މަސައްކަތްކުރަމުންދާކަމަށް ވަޒީރު ވިދާޅުވިއެވެ.

ވަޒީރު ޠާރިޤު އިބްރާހީމް ވިދާޅުވީ، ބީލަމުގައި ތަކެތި ގަތުމުގައި ޢަމަލުކުރެވޭ އުސޫލަށް ގެނެވޭ ބަދަލުތަކާއެކު މުޅި ދައުލަތުންވެސް ކަރަންޓު އުފެއްދުމަށް ހޭދަކުރާ މިންވަރު ދަށްކުރެވޭނެކަމަށެވެ. އަދި ރައީސުލްޖުމްހޫރިއްޔާގެ ވަޢުދުފުޅުގެ ދަށުން ރާއްޖޭގައި އުފައްދާ ހަކަތައިގެ 33 އިންސައްތައަކީ އިޔާދަކުރަނިވި ހަކަތައަށް ހެދުމަށް މީގެ ސަބަބުން އިތުރު ބާރަކަށް ވެގެންދާނެކަމަށް ވަޒީރު ވިދާޅުވިއެވެ.

މިހާރު ހަކަތަރި ޕްރޮގްރާމްގެ ދަށުން އައިސް އަލަމާރިއާއި، އެއަރ-ކޮން އަދި ދޮންނަ މެޝިނުގެ ޖުމްލަ 71 މޮޑެލްއަކަށް ހަކަތަރި ލޭބަލް ވަނީ ދޫކޮށްފައިކަމަށް ތިމާވެއްޓާ ބެހޭ ވުޒާރާއިން ވިދާޅުވެއެވެ. އަދި މިމަޝްރޫޢު އިތުރަށް ފުޅާކުރުމަށް ހޯމަދުވަހުވަނީ މި ޕްރޮގްރާމަށް ފެން ޕަންޕާ، ވޯޓަރ ހީޓަރާއި ފަންކާ އިތުރުކުރުމަށް ކުރަންޖެހޭ މަސައްކަތް ފަށާފައިކަމަށް އެވުޒާރާއިން ވިދާޅުވެއެވެ.

މޫސުމި ބަދަލުތަކާއި ތިމަވެއްޓާއި ހަކަތައާ ބެހޭ ވުޒާރާއާއި، ޔޫއެސްއެއިޑްގެ ސައުތް އޭޝިއާ ރީޖަނަލް އެނަރޖީ ޕާޓްނަރޝިޕް ގުޅިގެން ހަކަތަރިއާއި ގުޅޭ މަޝްވަރާ ބައްދަލުވުމެއް ބާއްވާފައިވެއެވެ. މިވޯކްޝޮޕްގައި ވަނީ މިޕްރޮގްރާމްގެ ތެރެއިން އިތުރު އިލެކްޓްރޯނިކް އާލާތްތައް މި ލިސްޓުގައި ހިމެނުމަށް ސަރުކާރުން ނިންމަވާފައިވާ ނިންމެވުމާއި ގުޅިގެން މަޝްވަރާކުރައްވާފައެވެ.
                    

މި ލިޔުން ކިޔާލުމުން

Ads by MSS