ފޭސް-2 ގައި އަލިފާން ނިއްވާ ސިސްޓަމް ހަރުކުރުމުގެ މަސައްކަތް ފަށައިފި

ހުޅުމާލޭގެ ފޭސް-2 ގައި މީހުން އާބާދުވާން ފެށިދާ ފަސް އަހަރު ފަހުން، ފަޔާ ހައިޑްރަންޓް ސިސްޓަމް ބެހެއްޓުމުގެ މަސައްކަތް ހުޅުމާލެ ޑިވެލޮޕްމެންޓް ކޯޕަރޭޝަން (އެޗްޑީސީ) އިން ފަށައިފިއެވެ. 

މި ކަމަކީ ފޭސް-2 ޑިޒައިންގައި ވެސް ހިމަނާފައިވާ ކަމެކެވެ. ނަމަވެސް މިހާތަނަށް އައިއިރު އެކަން އޮތީ ތަންފީޒު ނުވެއެވެ. 

އެޗްޑީސީއިން ހާމަކޮށްފައިވާ ގޮތުގައި، އެ ކުންފުނިން ފޭސް-2 ގައި އަލިފާން ނިއްވާ ސިސްޓަމް ހަރުކުރުމަށް ނިންމާފައިވަނީ އެ ތަނަކީ ރައްކާތެރި ތަނެއް ކަމުގައި ހެދުމަށެވެ.

މި މަސައްކަތް އެޗްޑީސީއިން ފަށާފައިވީނަމަވެސް، ފޭސް-2 ގައި ހަރުކުރަން ނިންމާފައިވަނީ ކިތައް ސިސްޓަމްކަމެއް އަދި ސާފެއް ނުވެއެވެ. 

އަލިފާން ނިއްވާ ސިސްޓަމްތައް ހުޅުމާލޭ ފޭސް-1 ގައި ވެސް ވަނީ ހަރުކޮށްފައެވެ.