ޚަބަރު
ތިން އަހަރުގެ ކުއްޖަކަށް މެއިޑަކު އަނިޔާކުރި މައްސަލައެއް ފުލުހުންނަށް ހުށަހަޅައިފި

ޝަޙީދު ޙުސެއިން އާދަމް ބިލްޑިންގ---
ހުލާސާ
ފުލުހުންނަށް މައްސަލަ ހުށައަޅާފައި ވަނީ ކުއްޖާގެ މަންމަ.
މާލޭގެ ގެއެއްގައި މަސައްކަތް ކުރަމުންދާ ބިދޭސީ އަންހެނަކު ތިން އަހަރުގެ ތުއްތު ކުއްޖަކަށް އަނިޔާކުރި މައްސަލައެއް ފުލުހުންނަށް ހުށަހަޅައިފިއެވެ.
ފުލުހުން ހާމަކޮށްފައިވާ ގޮތުގައި، މި މައްސަލަ ހުށަހަޅާފައިވަނީ ނޭޕާލްއަށް ނިސްބަތްވާ އަންހެނަކާ ދެކޮޅަށެވެ.
މި މައްސަލަ ފުލުހުންނަށް ހުށަހެޅީ އާދީއްތަ ދުވަހުއެވެ. ނަމަވެސް މި މައްސަލައާ ގުޅިގެން އެއްވެސް މީހަކު އަދި ހައްޔަރުކޮށްފައެއް ނުވެއެވެ.
ފުލުހުންނަށް މައްސަލަ ހުށައަޅާފައި ވަނީ ކުއްޖާގެ މަންމައެވެ. އެ ކުއްޖާގެ މަންމަ މި މައްސަލަ ހުށައަޅާފައި ވަނީ މެއިޑް ކުއްޖާއަށް އަނިޔާކުރި މަންޒަރު ފެންނަ މަންޒަރާއި އެކުގައި ކަމަށްވެސް މައުލޫމާތު ލިބިފައިވެއެވެ.