ނައިބު ރައީސް، އެމެރިކާގެ ނައިބު ރައީސްގެ މަޤާމަށް ހުވާކުރެއްވި ވެންސްއަށް މަރުހަބާ ވިދާޅުވެއްޖެ

ރައީސުލްޖުމްހޫރިއްޔާގެ ނައިބު ޙުސެއިން މުޙައްމަދު ލަޠީފް، އެމެރިކާގެ ނައިބު ރައީސްގެ މަޤާމަށް އަލަށް ހުވާކުރެއްވި ޖޭމްސް ޑޭވިޑް ވެންސްއަށް މަރުހަބާ ވިދާޅުވެއްޖެއެވެ. އެ މަނިކުފާނު މަރުހަބާ ވިދާޅުވީ، "އެކްސް"ގައި ކުރެއްވި ޕޯސްޓެއްގައެވެ.

އުމުރުން 40 އަހަރުފުޅުގައި ޖޭޑީ ވެންސް ނައިބު ރައީސްކަމުގެ ހުވާކުރެއްވިއިރު، މިއީ މި މަޤާމުގެ ހުވާކުރެއްވި އެންމެ ހަގު ބޭފުޅާއެވެ. ވެންސްއަށް ހުވާލާދެއްވީ އެސޯސިއޭޓް ޖަސްޓިސް، ބްރެޓް ކަވަނޯއެވެ.

ނައިބު ރައީސްގެ މެސެޖުގައި ވިދާޅުވީ، ދުނިޔޭގެ ނުތަނަވަސްކަމާ، ކުރިމަތިވެފައިވާ ބޮޑެތި މައްސަލަތަކުގައި ކުރިޔަށް އޮތް ހަތަރު އަހަރު ޤައުމުތަކާ ގުޅިގެން މަސައްކަތްކުރައްވާނެ ކަމުގައި ޔަޤީންކުރައްވާ ކަމަށެވެ. 

Congratulations to Vice President @JDVance on your historic assumption of office as the 50th Vice President of the United States of America. I am confident that the next four years will usher in fresh resolve to find shared solutions to issues of global significance, and that…

— Hussain Mohamed Latheef (@HucenSembe) January 20, 2025

އަދި އެމެރިކާގެ ވެރިކަމާއި އަލަށް ހަވާލެއްވި ލީޑަރުން، އެ ޤައުމަށް ސުލްހަމަސަލަސްކަން ގެނަސް، އުފާފާގަތި ދުވަސްތަކެއް ހޯއްދަވައި ދެއްވުމަށް ގިނަ މަސައްކަތްތަކެއް ކުރައްވާނެ ދައުރަކަށް މި ދައުރު ވެގެންދާނެކަމަށް އުއްމީދުކުރައްވާ ކަމުގައި ވެސް ވަނީ ވިދާޅުވެފައެވެ. 

ޖޭޑީ ވެންސްވަނީ އެމެރިކާގެ ސެނެޓުގައި ރިޕަބްލިކަން ޕާޓީ ތަމްސީލުކުރުމުގައި ދެ އަހަރު ހޭދަކުރައްވާފައެވެ.