ދުނިޔެ
ގާޒާއަށް އދ. އިން ތިންމަސްދުވަހުގެ މުއްދަތަށް ކާބޯތަކެތީގެ އެހީ ފޮނުވަނީ
އދ ގެ ކާބޯތަކެތީގެ އެހީ ރައްޔިތުންނަށް ހަވާލުކުރަނީ ފޮޓޯ:އިންޓަނެޓް
ގާޒާގެ އެއް މިލިއަނަށް ވުރެ ގިނަ މީހުންނަށް ތިން މަސް ދުވަހުގެ މުއްދަތަށް ބޭނުންވާ ކާބޯތަކެތީގެ އެހީ އދ. ގެ ވޯލްޑް ފުޑް ޕްރޮގްރާމުން ފޮނުވަން ފަށައިފިއެވެ. މި ޚަބަރު މިއަދު އދ. އިން ވަނީ ހާމަކޮށްފައެވެ.
ވޯލްޑް ފުޑް ޕްރޮގްރާމުން ބުނި ގޮތުގައި މި ކުއްލި ނުރައްކަލުގެ ހާލަތުގައި ފޮނުވާ އެހީގެ ތެރޭގައި ކާބޯތަކެތީގެ ޕާރުސަލްތަކާއި، ގާޒާގެ ބޭކަރީތައް އަލުން ހިންގަން ފެށުމަށް ބޭނުންވާ ތަކެއްޗާއި، ކުޑަކުދިންނަށް ބޭނުންވާ ނިއުޓްރިޝަން ސަޕްލިމެންޓްތައް ހިމެނެއެވެ.
🔵WFP has enough food pre-positioned and on its way to support over a million people in #Gaza for 3 months.
— World Food Programme (@WFP) January 20, 2025
🔵This includes food parcels, supplies for bakeries, and nutrition supplements for children.
Watch as WFP's Antoine Renard explains from Gaza ⤵️ pic.twitter.com/xL9c6fXeJD
މި އެހީ ފޮނުވުމުގެ މަސައްކަތް ފެށިފައިވަނީ ގާޒާގައި ހިނގަމުންދާ ހަނގުރާމައިގެ ސަބަބުން އާންމު ރައްޔިތުންނަށް ދިމާވެފައިވާ ކާބޯތަކެތީގެ ދަތިކަން ޙައްލުކުރުމަށެވެ. އދ. އިން ބުނާ ގޮތުގައި މި އެހީ ލިބުމުން ގާޒާގެ ރައްޔިތުންނަށް ކުރިމަތިވެފައިވާ އިންސާނީ ބޮޑު ކާރިސާއަށް ކޮންމެވެސް ވަރެއްގެ ލުޔެއް ލިބިގެންދާނެއެވެ.
ވޯލްޑް ފުޑް ޕްރޮގްރާމުން އިތުރަށް ބުނި ގޮތުގައި މި އެހީ ވީހާވެސް އަވަހަކަށް ގާޒާއަށް ފޯރުކޮށްދިނުމަށް މަސައްކަތް ކުރަމުންދާ ކަމަށާއި، އެ ސަރަޙައްދުގެ އިންސާނީ ޙާލަތު ރަނގަޅު ކުރުމަށް ބައިނަލްއަޤްވާމީ މުޖުތަމަޢުގެ އެހީތެރިކަން ވަރަށް ބޮޑަށް ބޭނުންވާ ކަމަށެވެ.
