"މާސްޓަރ ދުރްގާ ރާއޯ ގުރުޖީ" ކިޔާ މީހަކު ރޫހާނީ ފަރުވާގެ ނަމުގައި އޮޅުވާލަން އުޅޭ މައްސަލަ ފުލުހުންގެ ސަމާލުކަމަށް

ދިވެހިރާއްޖޭގައި "މާސްޓަރ ދުރްގާ ރާއޯ ގުރުޖީ" ނަމަކަށް ކިޔާ މީހަކު ރޫހާނީ ފަރުވާގެ ޚިދުމަތްތަކެއް ދޭކަމަށް ބުނެ ސޯޝަލް މީޑިއާގެ މަންސަތަކުގައި އިޝްތިހާރު ކުރަމުންދާ މައްސަލައެއް ފުލުހުންގެ ސަމާލުކަމަށް އައިސްފިއެވެ. މި މައްސަލައާ ގުޅިގެން، ޤާނޫނީ ގޮތުން އަޅަންޖެހޭ ފިޔަވަޅުތައް އެޅުމަށްޓަކައި ކުރަންޖެހޭ މަސައްކަތް ކަމާބެހޭ އިދާރާތަކާ ގުޅިގެން ފުލުހުން ދަނީ ކުރަމުންނެވެ.

ދިވެހިންގެ ސަގާފަތާއި އިސްލާމްދީނާ ޚިލާފު މިފަދަ ޙަރަކާތްތަކަކީ މުޖުތަމަޢުގެ ސަލާމަތަށް ނުރައްކާވެދާނެ ކަމެއްކަމަށް ފުލުހުން ވަނީ ފާހަގަކޮށްފައެވެ. އެހެންކަމުން، މިފަދަ މަޢުލޫމާތު އެކަކުޢުލޫމާތު އެކަކު އަނެއްކަކާ ހިއްސާ ކުރުމުގެ ބަދަލުގައި ވީ އެންމެ އަވަހަކަށް ކަމާބެހޭ އިދާރާތަކުގެ ސަމާލުކަމަށް ގެނެސް ޤާނޫނީ ފިޔަވަޅު އެޅުމުގެ މަސައްކަތް ކުރިއަށް ގެންދިއުމަކީ މުހިންމު ކަމެއް ކަމުގައި ފުލުހުން ވަނީ އާންމުންނަށް އިލްތިމާސްކޮށްފައެވެ.

ފުލުހުންގެ ފަރާތުން ވިދާޅުވި ގޮތުގައި، މިފަދަ އިޝްތިހާރެއް ފެނިވަޑައިގަންނަވައިފިނަމަ ލަސްނުކުރައްވައި ފުލުހުންނަށް އަންގަވައިދެއްވުމަކީ ވަރަށް މުހިންމު ކަމެކެވެ. މިކަމުގެ ސަބަބުން މުޖުތަމަޢުގެ ރައްކާތެރިކަމާއި ސަލާމަތަށް ކުރިމަތިވެދާނެ ނުރައްކަލަކުން ސަލާމަތްވުމަށް އެހީތެރިވެދޭނެ ކަމުގައި ފުލުހުން ފާހަގަކުރެއްވިއެވެ.

މިފަދަ ކަންކަމާ ދެކޮޅަށް ފިޔަވަޅު އެޅުމުގައި އާންމުންގެ އެއްބާރުލުން ވަރަށް މުހިންމު ކަމުގައިވެސް ފުލުހުން ވަނީ ފާހަގަކޮށްފައެވެ.