Ads by Exprox

ޚަބަރު

އާންމުންނަށް އުނދަގޫވާގޮތަށް މާލޭ ސަރަޙައްދުގެ މަގުތަކުގައި ޕާކުކޮށްފައި ހުރި ވެހިކަލްތައް ނަގަން ފަށައިފި

އާންމުންނަށް އުނދަގޫވާގޮތަށް މާލޭ ސަރަޙައްދުގެ މަގުތަކުގައި ޕާކުކޮށްފައި ހުރި ވެހިކަލްތައް ނަގަން ފަށައިފި

މާލޭ ސަރަޙައްދުގައި އާންމުންނަށް އުނދަގޫވާގޮތަށް ޕާކުކޮށްފައި ހުރި ވެހިކަލްތައް ނެގުމުގެ މަސައްކަތް ފުލުހުން ކުރިޔަށް ގެންދަނީ، ފޮޓޯ: މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން

މިފްތާޙް މުޙައްމަދު

މިފްތާޙް މުޙައްމަދު

21 ޖެނުއަރީ 2025، 08:34

21 ޖެނުއަރީ 2025، 08:34

ހުލާސާ

މި މަސައްކަތުގެ ތެރެއިން ދިގު މުއްދަތަކަށް ބޭނުންނުކޮށް ހުޅުމާލޭގެ މަގުތަކުގައި ޕާކުކޮށްފައި ހުރި ގިނަ އަދަދެއްގެ އުޅަނދުފަހަރު ވަނީ ޓޯވްކޮށްފައި.

އާންމުންނަށް އުނދަގޫވާގޮތަށް މާލެ އާއި ހުޅުމާލޭގެ މަގުތަކުގައި ޕާކުކޮށްފައި ހުރި ވެހިކަލްތައް ނެގުމުގެ މަސައްކަތް ފުލުހުން މިއަދު ފަށައިފިއެވެ. 

މި މަސައްކަތުގެ މަޢޫލޫމާތު ހާމަކުރަމުން ފުލުހުންގެ އިދާރާއިން ސޯޝަލް މީޑިއާގައި ޙިއްސާކޮށްފައިވާ ޕޯސްޓެއްގައި ބުނެފައިވަނީ، މިއީ މަގު ބޭނުން ކުރުމުގައި އާންމު ރައްޔިތުންނަށް ފަސޭހަކުރުމުގެ ގޮތުން ކުރަމުންދާ މަސައްކަތެއް ކަމަށެވެ. 

މިއީ އާންމު ރައްޔިތުންނަށް ފަސޭހަކަމާއެކު މަގުބޭނުންކުރެވޭނެ އެކަށީގެންވާ މާހައުލެއް ގާއިމުކުރުމަށްޓަކައި ކުރެވޭ މަސައްކަތެއް.

ފުލުހުންގެ އިދާރާއިން ސޯޝަލް މިޑިއާގައިކުރި ޕޯސްޓުގައި ވެއެވެ.

މި މަސައްކަތުގެ އިތުރު ބޭނުމެއްކަމަށް ފުލުހުން ފާހަގަކޮށްފައިވަނީ، ޕާކުކުރުން ދަތިވެފައިވާ މާލޭ ސަރަޙައްދުގެ ޕާކިންއަށް ޖާގަ ހޯދުމެވެ.

މި މަސައްކަތަކީ އާންމު ރައްޔިތުންނަށް ފަސޭހަކަމާއެކު އެއްގަމު ދަތުރުފަތުރު ކުރެވޭނެ އެކަށީގެންވާ މާހައުލެއް ގާއިމުކުރުމަށާއި ޕާކް ކުރާނެ ޖާގަ ހެދުމަށް ކުރެވޭ މަސައްކަތެއް.

މި މަސައްކަތުގެ ބޭނުމަށް އަލިއަޅުވާލަމުން ފުލުހުންހާމަކޮށްފައިވެއެވެ.

ފުލުހުންގެ މި މަސައްކަތާ ގުޅިގެން މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން ބުނީ، ދިގު މުއްދަތަކަށް ބޭނުންނުކޮށް ހުޅުމާލޭގެ މަގުތަކުގައި ޕާކުކޮށްފައި ބެހެއްޓިފައިވާ ގިނަ އަދަދެއްގެ އުޅަނދުފަހަރު ވަނީ ޓޯވ ކުރެވިފައިވާ ކަމަށާއި، މި ޕްރޮގްރާމަކީ މަގުތަކުގެ ތޮއްޖެހުން ލުއިކުރުމަށާއި، ޢާންމު ދަތުރުފަތުރުގެ ނިޒާމު އިތުރަށް ހަރުދަނާކުރުމަށް އަދި މަގުމަތީގައި ހިނގާބިނގާވެ އުޅޭ ޢާންމު ރައްޔިތުންނަށް ފަސޭހަކަމާއެކު ދަތުރުކުރެވޭނެ މާޙައުލެއް ޤާއިމުކުރުމަށްޓަކައި ކުރިޔަށް ގެންދެވޭ ޕްރޮގްރާމެއް ކަމަށެވެ.

މި ލިޔުން ކިޔާލުމުން

Ads by MSS