ރޫޙާނީ ފަރުވާދޭކަމަށް އިޝްތިހާރުކުރި ބިދޭސީންތައް ޑީޕޯޓުކުރަނީ

"މާސްޓަރ ދުރްގާ ރާއޯ ގުރުޖީ" ނަމަކަށް ކިޔާ ފޭސްބުކް ޕޭޖެއްގައި އިޝްތިހާރުކޮށްގެން، ރާއްޖޭގައި ރޫޙާނީ ފަރުވާގެ ޚިދުމަތްތަކެއް ދިނުމަށް މަސައްކަތްކުރި ތިން ބިދޭސީއަކު މޯލްޑިވްސް އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ.

އިމިގްރޭޝަނުން ހާމަކޮށްފައިވާ ގޮތުގައި އެ ބިދޭސީން އެ އިދާރާގެ ބެލުމުގެ ދަށަށް ގެންގޮސްފައިވަނީ އަންގާރަދުވަހު ފުލުހުންނާ ގުޅިގެން ހިންގި އޮޕަރޭޝަނެއްގައެވެ.

މި އޮޕަރޭޝަންގައި ހައްޔަރުކޮށްފައިވަނީ ސްރީހަރި ވަނަމް، 25 އަހަރު، އާއި ނާގަރާޖަ ބެއިލްޕަޓީ، 39 އަހަރު، އަދި ދަނަންޖޭ ބެއިލްޕަޓީ، 18 އަހަރު، އެވެ. މި ތިން މީހުންނަކީ ވެސް އިންޑިއާއަށް ނިސްބަތްވާ ތިން މީހުންކަމަށް އިމިގްރޭޝަނުން ވަނީ ހާމަކޮށްފައެވެ.

The three foreign nationals engaging in unauthorized astrology practices were apprehended and detained yesterday in an operation carried out in coordination with @PoliceMv. The deportation process is now underway. pic.twitter.com/xFgIuRNubP

— Maldives Immigration (@ImmigrationMV) January 22, 2025

މި މީހުން ޑީޕޯޓުކުރަން ނިންމާފައިވަނީ، އެ މީހުންނަށް ދުކޮށްފައިވާ ވިޒާގެ ޙުއްދައިން ބޭރުން މަސައްކަތްކުރުމުގެ ސަބަބުންކަމަށް ވެސް އިމިގްރޭޝަނުން ބުނެއެވެ.

މި މައްސަލަ ފެންމަތިވުމާ ގުޅިގެން، މިއީ ދިވެހިންގެ ސަގާފަތާއި އިސްލާމްދީނާ ޚިލާފު މިފަދަ ޙަރަކާތްތަކަކީ މުޖުތަމަޢުގެ ސަލާމަތަށް ނުރައްކާވެދާނެ ކަމެއްކަމަށް ފުލުހުން ވަނީ ފާހަގަކޮށްފައެވެ.