ކުޅިވަރު

ޕީއެސްޖީއާ ދެކޮޅަށް ދެ ގޯލުގެ ލީޑެއް ގެއްލި މެޗުން ބަލިވުމުން، މެންޗެސްޓަރ ސިޓީއަށް ބޮޑު ހާސްކަމެއް

ޕީއެސްޖީއާ ދެކޮޅަށް ދެ ގޯލުގެ ލީޑެއް ގެއްލި މެޗުން ބަލިވުމުން، މެންޗެސްޓަރ ސިޓީއަށް ބޮޑު ހާސްކަމެއް

މެންޗެސްޓަރ ސިޓީ ކޮޅަށް ގޯލު ކާމިޔާބުކުރުމަށްފަހު ޕީއެސްޖީގެ ކުޅުންތެރިއަކު އުފާފާޅުކުރަނީ، ފޮޓޯ: އޮޕްޓާ

މިފްތާޙް މުޙައްމަދު

މިފްތާޙް މުޙައްމަދު

23 ޖެނުއަރީ 2025، 09:53

23 ޖެނުއަރީ 2025، 09:53

ހުލާސާ

މުބާރާތުގައި ކުރިޔަށް ދިއުމުގެ ފުރުސަތު ސިޓީއަށް ވަނީ ހަނިވެފައި.

ލީގު-ފޭސްގެ ފަހު މެޗުގައި ސިޓީ ނިކުންނަން ޖެހޭނީ ކްލަބް ބްރޫޖްއާ ދެކޮޅަށް.

ޗެމްޕިއަންސް ލީގުގައި ފްރާންސްގެ ޗެމްޕިއަން، ޕެރިސް ސެއިންޓް-ޖަމެއިން (ޕީއެސްޖީ) އާ ދެކޮޅަށް ލީގު-ފޭސްގައި އިނގިރޭސި ޗެމްޕިއަން މެންޗެސްޓަރ ސިޓީއިން ބައްދަލުކުރި މެޗު 4-2 އިން ޕީއެސްޖީ ކާމިޔާބުކުރުމާ ގުޅިގެން، މުބާރާތުގައި ކުރިޔަށް ދިއުމުގެ ފުރުސަތު ހަނިވެ، މެންޗެސްޓަރ ސިޓީއަށް އިތުރު ހާސްކަމެއް ލިބިއްޖެއެވެ.

ޕެރިހުގައި ކުޅުނު މި މެޗުގެ ފުރަތަމަ ހާފުގައި އެއްވެސް ޓީމަކަށް ގޯލެއް ކާމިޔާބު ނުކުރެވި 0-0 އިން ނިމުނު ނަމަވެސް، ސިޓީ އިން ވަނީ ދެވަނަ ހާފުގެ ފުރަތަމަ 8 މިނެޓުގައި ދެ ގޯލުގެ ލީޑެއް ނަގާފައެވެ. އެ ޓީމުގެ ފުރަތަމަ ގޯލު، ބަދަލު ކުޅުންތެރިއެއްގެ ގޮތުގައި ނިކުތް ޖެކް ގްރިއަލިޝް 50ވަނަ މިނެޓުގައި ކާމިޔާބުކުރިއިރު، އޭގެ ތިން މިނެޓު ފަހުން ދެވަނަ ގޯލު ކާމިޔާބުކުރީ އަރލިންގް ހާލަންޑެވެ. 

ނަމަވެސް، ޖެހިގެން އައި 8 މިނެޓުގެ ތެރޭގައި ޕީއެސްޖީއިން ވަނީ މެޗުގެ ނަތީޖާ ހަމަހަމަކޮށްފައެވެ. އެ ޓީމުގެ ފުރަތަމަ ގޯލު، ހާލަންޑު ގޯލު ކާމިޔާބުކުރިތާ 3 މިނެޓު ފަހުން ކާމިޔާބުކުރިއިރު، އެއްވަރުކޮށްދިނީ 60ވަނަ މިނެޓުގައި ބްރެޑްލީ ބާރކޯލާއެވެ. 

ޕީއެސްޖީއިން ލީޑު ނެގީ، އެ ޓީމަށް ލިބުނު ހިލޭ ޖެހުމެއް ސިޓީގެ ގޯލު ކުރިމައްޗަށް ހުރަސްކޮށްލުމުން، އެއްވެސް ކުޅުންތެރިއަކު މާކުނުކޮށް އެކަނިމައިއެކަނި ހުރި، ޖާއޯ ނަވާޒް ބޮލުން ފޮނުވާލި ބޯޅައަކުންނެވެ. 

ސިޓީގެ ނުތަނަވަސްކަން ބޮޑުވީ، އިތުރު ވަގުތުގައި ގޮންޗާލޯ ރާމޯސް ޕީއެސްޖީގެ ހަތަރުވަނަ ގޯލު ކާމިޔާބުކުރުމުންނެވެ. 

ސިޓީއަށް މި މެޗުގައި ދެ ގޯލު ކާމިޔާބު ކުރެވުނު ނަމަވެސް، މުޅި މެޗުގައި ވެސް މޮޅަށް ކުޅުނީ ޕީއެސްޖީއެވެ. އެހެންކަމުން މި މޮޅަކީ އެ ޓީމަށް ހައްޤު އެއްޗެކެވެ. އެ ޓީމުގެ އެޓޭކުތަކުން އަބަދުވެސް ސިޓީގެ ޑިފެންޑަރުން ތިބީ ހޫނުފެނަށް ވައްޓާލާފައެވެ.  

މި ލިޔުން ކިޔާލުމުން

Ads by MSS