ޚަބަރު
ހިރިޔާ ސްކޫލުގައި ކުޅުނު ފުޓްސަލް މެޗަކަށްފަހު ބެލެނިވެރިއަކު ނިޔާވެއްޖެ

ހިރިޔާ ސްކޫލް---

ފަރުދުން
24 ޖެނުއަރީ 2025، 01:31
24 ޖެނުއަރީ 2025، 01:31
ހުލާސާ
އެ ސްކޫލުގައި ކުރިޔަށް ދިޔައީ ބެލެނިވެރިންގެ މެދުގައި ކުޅޭ ފުޓްސަލް މުބާރާތެއް.
ހިރިޔާ ސްކޫލުގައި ކުޅުނު ފުޓްސަލް މެޗަކަށްފަހު ބެލެނިވެރިއަކު ނިޔާވެއްޖެއެވެ.
އެޑިއުކޭޝަން މިނިސްޓްރީން ހާމަކޮށްފައިވާ ގޮތުގައި، މި ހާދިސާ ހިނގާފައި ވަނީ، ބުރާސްފަތި ދުވަހުގެ ރޭ އެ ސްކޫލްގެ ޕީޓީއޭ އިން ހިންގި ހަރަކާތެއްގެ ތެރެއިން ބެލެނިވެރިންގެ މެދުގައި ކުޅެވުނު ފުޓްސަލް މެޗަކަށްފަހުއެވެ.
މެޗު ނިމުނު ފަހުން އެ ބެލެނިވެރިޔާ ދަނޑުމަތީގައި އޮށޯތުމުން އޭނާގެ ސިއްޙީ މައްސަލައެއް އުޅޭކަން ފާހަގަކުރެވިގެން، ވަގުތުން އެ ސްކޫލުގެ ކައިރީގައި ހުރި އިންދިރާ ގާންދީ މެމޯރިއަލް ހޮސްޕިޓަލަށް އޭނާ ގެންދިޔަކަމަށް ސުކޫލުން ޙިއްސާކުރިކަމަށް މިނިސްޓްރީން ހާމަކޮށްފައިވެއެވެ. އަދި އޭނާ ހޮސްޕިޓަލަށް ގެންދިޔައިރު ވެސް ފުރާނަ ގޮސްފައިވާކަމަށް ވެއެވެ.
މަޢުލޫމާތު ލިބިފައިވާ ގޮތުގައި، އެ ސްކޫލުގައި ކުރިޔަށް ދިޔައީ ބެލެނިވެރިންގެ މެދުގައި ކުޅޭ ފުޓްސަލް މުބާރާތެކެވެ. އަދި ނިޔާވެފައިވަނީ ފިރިހެނެކެވެ.