Ads by Exprox

ޚަބަރު

ސިޔާސީ ޕަޓީތަކުގެ މެންބަރުންގެ ދަފްތަރަށް ޝަކުވާ ހުށަހެޅުމަށް ހުޅުވާލައިފި

ސިޔާސީ ޕަޓީތަކުގެ މެންބަރުންގެ ދަފްތަރަށް ޝަކުވާ ހުށަހެޅުމަށް ހުޅުވާލައިފި

ސިޔާސީ ޕާޓީއަށް ވަނުމަށް އެދޭ ފޯމެއް ފުރަނީ، ފޮޓޯ: އިލެކްޝަން ކޮމިޝަން

މިފްތާޙް މުޙައްމަދު

މިފްތާޙް މުޙައްމަދު

24 ޖެނުއަރީ 2025، 02:32

24 ޖެނުއަރީ 2025، 02:32

ހުލާސާ

ސިޔާސީ ޕާޓީތަކުގައި ދަފްތަރު ކުރެވިފައިވާ ފަރާތްތަކުގެ ލިސްޓު ވަނީ ބުރާސްފަތި ދުވަހު ޢާންމުކޮށްފައި.

ޝަކުވާ ހުށަހެޅޭނެ އެންމެ ފަހު ތާރީޙަކީ 2025  ފެބުރުވަރީ 10 ވާ ހޯމަ ދުވަސް.

ސިޔާސީ ޕަޓީތަކުގެ މެންބަރުންގެ ދަފްތަރަށް ޝަކުވާ ހުށަހެޅުމުގެ ފުރުސަތު އިލެކްޝަން ކޮމިޝަނުން ބުރާސްފަތި ދުވަހު  ހުޅުވާލައިފިއެވެ.

އެގޮތުން 2024  ޑިސެމްބަރު 31 އާއި ހަމައަށް އެ ކޮމިޝަނަށް ލިބިފައިވާ ސިޔާސީ ޕާޓީތަކުގައި ދަފްތަރު ކުރެވިފައިވާ ފަރާތްތަކުގެ ލިސްޓު 2025  ޖަނަވަރީ 23 ވީ ބުރާސްފަތި ދުވަހު ޢާންމުކޮށްފައެވެ. މި ލިސްޓު ކޮމިޝަނުގެ ވެބްސައިޓު (www.elections.gov.mv) ގައި ޢާންމުކޮށް ފެންނަން ހުންނާނެކަމަށް ވެސް އެ ކޮމިޝަނުން ހާމަކޮށްފައިވެއެވެ.

ލިސްޓަށް ޝަކުވާ ހުށަހެޅުމުގެ ކަންތައްތައް، އެ ކޮމިޝަންގެ ޝަކުވާ ޕޯޓަލް އާއި މައި ޕޯޓަލް މެދުވެރިކޮށް ވެސް ކުރިޔަށް ގެންދެވޭނެކަމަށް ހާމަކޮށްފައިވެއެވެ. އެ ކޮމިޝަންގެ ޝަކުވާ ޕޯޓަލްއަށް ލޮގިން ވެވޭނީ ppr.elections.gov.mv މެދުވެރިކޮށެވެ. އަދި މައި ޕޯޓަލްއަށް ލޮގިން ވެވޭނީ my.elections.gov.mv މެދުވެރިކޮށެވެ. 



އިލެކްޝަން ކޮމިޝަނުން ހާމަކޮށްފައިވާ ގޮތުގައި، އެ ކޮމިޝަނުގެ މައި އިދާރާއަށް ވަޑައިގެން ޝަކުވާ ޕޯޓަލް މެދުވެރިކޮށް ޝަކުވާ ހުށަހެޅުމުގެ އިންތިޒާމު ވެސް ހަމަޖެހިފައިވެއެވެ. މައި އިދާރާއަށް ވަޑައިގެން ޝަކުވާ ހުށަހެޅޭނީ ރަސްމީ ބަންދުނޫން ކޮންމެ ދުވަހަކު ހެނދުނު 08:30 އިން މެންދުރުފަހު 03:00 އަށެވެ.

ޝަކުވާ ހުށަހެޅޭނެ އެންމެ ފަހު ތާރީޙަކީ 2025  ފެބުރުވަރީ 10 ވާ ހޯމަ ދުވަހެވެ.

އެސްއެމްއެސް މެދުވެރިކޮށް އެމީހަކު ރެޖިސްޓަރ ވެފައިވާ ސިޔާސީ ޕާޓީއެއް ބެލުމުގެ އިންތިޒާމްވެސް އިލެކްޝަން ކޮމިޝަނުން ހަމަޖައްސާފައިވެއެވެ. އެގޮތުން PPR ޖައްސަވާ ހުސްތަންކޮޅެއް ދޫކޮށްލުމަށްފަހު އައިޑީ ކާޑު ނަންބަރު ޖެއްސެވުމަށްފަހު 1414 އަށް ފޮނުވުމުން އެ މަޢުލޫމާތު ސާފުކުރެވޭނެއެވެ.

އިލެކްޝަން ކޮމިޝަނުން ބުރާސްފަތި ދުވަހު އާންމުކުރި ދަފްތަރުގައިވާގޮތުން، ރާއްޖޭގައި މިހާރު އޮތް އެންމެ ބޮޑު ސިޔާސީ ޕާޓީއަކީ ޕީޕަލްސް ނޭޝަނަލް ކޮންގްރެސް (ޕީއެންސީ)އެވެ. އެ ޕާޓީގައި މިވަގުތު 68،968 މެންބަރުން އެބަ ތިއްބެވެ. އަދި ދެވަނައަށް އެންމެ ބޮޑު ޕާޓީއަކީ އިދިކޮޅު މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)އެވެ.

މި ލިޔުން ކިޔާލުމުން

Ads by MSS