ރަތްވިލާމަގުގައި ހިނގި ނުރައްކާތެރި ހަމަލާގެ މައްސަލައިގައި ދެ މީހަކު ހައްޔަރުކޮށްފި

މާލޭގެ ރަތްވިލާމަގުގައި ހިނގި ނުރައްކާތެރި ހަމަލާއެއްގެ މައްސަލައިގައި ދެ މީހަކު ހައްޔަރުކޮށްފައިވާކަމަށް ދިވެހި ފުލުހުންގެ ޚިދުމަތުން މަޢުލޫމާތު ދީފިއެވެ.

މި މައްސަލައަކީ 2025 ޖަނަވަރީ 15 ވަނަ ދުވަހުގެ ހެނދުނު 08:17 އެހައިކަންހާއިރު ރަތްވިލާމަގުން ދުއްވާފައިދިޔަ ސައިކަލެއްގައި އިން މީހަކަށް ބަޔަކު މީހުން ތޫނު އެއްޗަކުން ހަމަލާދީ ޒަޚަމްކޮށްލާފައިވާ މައްސަލައެކެވެ. މި މައްސަލަ ދިވެހި ފުލުހުންގެ ޚިދުމަތުގެ ގޭންގް ކްރައިމް އިންވެސްޓިގޭޝަނުން ގެންދަނީ ތަޙުޤީޤު ކުރަމުންނެވެ.

ފުލުހުން މަޢުލޫމާތު ދިންގޮތުގައި މި މައްސަލައިގެ ތުހުމަތުގައި ދެ މީހަކު ވަނީ ކޯޓު އަމުރެއްގެ ދަށުން ހައްޔަރުކޮށްފައެވެ. އެއީ މާލެ، ހ. ރޯޒެންޑޭލް، ޞަފްވާން ޒުފްރަތު (29އ) އާއި ށ. ފޭދޫ، އުދަރެސް، ޢަލީ ނާޝީދު (34އ) އެވެ.

ޞަފްވާން ޒަފްރަތު ހައްޔަރުކޮށްފައިވަނީ 2025 ޖަނަވަރީ 20 ވަނަ ދުވަހުގެ ރޭ 21:19 އެހައިކަންހާއިރުއެވެ. އަދި ޢަލީ ނާޝިދު ހައްޔަރުކޮށްފައިވަނީ 2025 ޖަނަވަރީ 21 ވަނަ ދުވަހުގެ ފަތިހު 01:09 އެހައިކަންހާއިރުއެވެ.

ހައްޔަރުކުރެވުނު ދެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، 5 ދުވަހަށް ބަންދުކުރުމަށްދުކުރުމަށް ކޯޓުން ވަނީ އަމުރުކޮށްފައެވެ.