ދުނިޔެ

ޖަޕާނުގައި ވަޅިން ހަމަލާދިން ޗައިނާގެ މީހަކަށް މަރުގެ ޙުކުމް އިއްވައިފި

ޖަޕާނުގައި ވަޅިން ހަމަލާދިން ޗައިނާގެ މީހަކަށް މަރުގެ ޙުކުމް އިއްވައިފި

ޖަޕާން ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

25 ޖެނުއަރީ 2025، 05:17

25 ޖެނުއަރީ 2025، 05:17

ޗައިނާގެ ސޫޖޯ ސިޓީގެ ކޯޓަކުން ވަނީ ނިމިދިޔަ އަހަރުގެ ޖޫން މަހު ޖަޕާނުގެ އަންހެނަކާއި އޭނާގެ ދަރިފުޅަށް ވަޅިން ހަމަލާދިން 52 އަހަރުގެ ޗައިނާގެ ފިރިހެނަކަށް މަރުގެ ޙުކުމް އިއްވާފައެވެ. މި މަޢުލޫމާތު ހާމަކުރެއްވީ ޖަޕާނުގެ ޗީފް ކެބިނެޓް ސެކްރެޓަރީ ޔޮޝިމަސަ ހަޔާޝިއެވެ.

ބުރާސްފަތި ދުވަހު ހަޔާޝި ވިދާޅުވި ގޮތުގައި، މި ހަމަލާގައި ޖަޕާނުގެ މަންމައާއި ދަރިފުޅަށް އަނިޔާވެ، އެ ދެމީހުން ސަލާމަތްކުރަން މަސައްކަތްކުރި ބަހުގެ އެޓެންޑެންޓެއް މަރުވެފައިވެއެވެ. ހަމަލާދިން މީހާ މިފަދަ ޢަމަލެއް ހިންގީ ދަރަނިވެރިވެ، ދިރިއުޅުމުގެ ޝައުޤުވެރިކަން ގެއްލުމުންކަމަށް ކޯޓުން ނިންމާފައިވާކަމަށް ހަޔާޝި ވިދާޅުވިއެވެ.

މި ހާދިސާ ހިނގީ 2023 ވަނަ އަހަރުގެ ޖޫން 24 ވަނަ ދުވަހު، ޖަޕާނުގެ ސްކޫލަކާ ގާތް ބަސް ސްޓޮޕެއްގައި ޖަޕާނުގެ މަންމައަކު އޭނާގެ ދަރިފުޅު ގޭގެ ގެންދިއުމަށް އައި ވަގުތުގައެވެ. މި ހަމަލާގައި މަންމައާއި ދަރިފުޅަށް ލިބުނު އަނިޔާތަކަކީ ފުރާނައަށް ނުރައްކާވާ ވަރުގެ އަނިޔާތަކެއް ނޫނެވެ.

މި ހާދިސާއަކީ ނިމިދިޔަ އަހަރު ޗައިނާގައި ޖަޕާނުގެ ރައްޔިތުންނަށް ދެވުނު ދެ ހަމަލާގެ ތެރެއިން ފުރަތަމަ ހަމަލާއެވެ. މިފަދަ ހަމަލާތަކުގެ ސަބަބުން ޗައިނާގައި ޖަޕާނުގެ ރައްޔިތުންނާ ދެކޮޅަށް އޮތް ރުޅިވެރިކަން އިތުރުވެ، ޖަޕާނުގެ ސަރުކާރުން ވަނީ ޗައިނާގެ ސަރުކާރަށް އެ ޤައުމުގައި ތިބޭ ޖަޕާނުގެ ރައްޔިތުންގެ ރައްކާތެރިކަން ކަށަވަރުކޮށްދިނުމަށް ގޮވާލާފައެވެ.

ޗައިނާގައި ހަތިޔާރުގެ ބޭނުންކުރުން ހަރުކަށި ގަވާއިދުތަކަކުން ކޮންޓްރޯލްކޮށްފައި ވުމާއެކު، އެ ޤައުމުގައި ވަޅިން ހަމަލާދިނުމުގެ ހާދިސާތައް މަދެއް ނޫނެވެ. އަދި ފަހަކަށްއައިސް ޗައިނާގައި ޢާންމު ރައްޔިތުންނަށް ކުއްލި ގޮތަކަށް ހަމަލާދޭ މިންވަރު އިތުރުވެފައިވާކަން ފާހަގަކުރެވެއެވެ.
                    

މި ލިޔުން ކިޔާލުމުން

Ads by MSS