ޚަބަރު
އާންމު ސިއްޙަތަށް ނުރައްކާވާ ގޮތަށް ދިރިއުޅެމުންދިޔަ 13 ބިދޭސީން ހައްޔަރުކޮށްފި
އާންމު ސިއްޙަތަށް ނުރައްކާވާ ގޮތަށް ބިދޭސީން ދިރިއުޅެމުންދިޔަ ތަނެއް ފޮޓޯ:އިމިގްރޭޝަން ވީޑިއޯ
އިމިގްރޭޝަންގެ ޓާސްކުފޯހުން މާލޭގައި ހިންގި ޚާއްޞަ ރެއިޑު އޮޕަރޭޝަނެއްގައި، އާންމު ސިއްޙަތަށް ނުރައްކާވާ ގޮތަށް ބިދޭސީން ދިރިއުޅެމުންދިޔަ ތަނެއް ބަލައި ފާސްކޮށް، ގަވާއިދާ ޚިލާފަށް އުޅެމުންދިޔަ 13 ބިދޭސީން ވަނީ ހައްޔަރުކޮށްފައެވެ.
މި އޮޕަރޭޝަން ހިންގާފައިވަނީ 2025 ވަނަ އަހަރުގެ ޖަނަވަރީ މަހުގެ 23 ވަނަ ދުވަހުއެވެ. ޓާސްކުފޯހުން މަޢުލޫމާތު ދެއްވި ގޮތުގައި، މި ތަނަކީ ބިދޭސީން ދިރިއުޅެމުންދިޔަ ތަނެއްގެ އިތުރުން ވިޔަފާރި ހިންގަމުންދިޔަ ތަނެއް ކަމަށްވެސް ވަނީ ފާހަގަކުރެވިފައެވެ.
މި އޮޕަރޭޝަންގައި ހައްޔަރުކުރެވުނު 13 ބިދޭސީން ވަނީ މޯލްޑިވްސް އިމިގްރޭޝަންގެ ބެލުމުގެ ދަށަށް ގެނެވިފައެވެ. އިމިގްރޭޝަނުން މަޢުލޫމާތު ދެއްވި ގޮތުގައި، މި ފަރާތްތަކާމެދު ގަވާއިދުން ފިޔަވަޅު އެޅޭނެ ކަމަށާއި، ޤާނޫނާ ޚިލާފަށް ރާއްޖޭގައި ދިރިއުޅޭ ބިދޭސީންނާ ދެކޮޅަށް ހިންގޭ އޮޕަރޭޝަންތައް ކުރިއަށް އޮތް ތަނުގައިވެސް ހަރުދަނާކޮށް ކުރިއަށް ގެންދާނެ ކަމަށެވެ.
2025 ޖަނަވަރީ 23 ވަނަ ދުވަހު ޓާސްކުފޯހުން މާލޭގައި ހިންގި ރެއިޑު އޮޕަރޭޝަނެއްގައި، އާންމު ސިއްހަތަށް ނުރައްކާވާ ގޮތަށް، ބިދޭސީން ދިރިއުޅެ، ވިޔަފާރި ކުރަމުންދިއަ ތަނެއް ވަނީ ބަލައި ފާސްކޮށްފައި. އަދި ގަވާއިދާ ހިލާފަށް މިތަނުގައި އުޅެމުންދިއަ 13 ބިދޭސީއަކު ވަނީ އިމިގްރޭޝަންގެ… pic.twitter.com/TYaweEshqg
— Maldives Immigration (@ImmigrationMV) January 25, 2025
