އުތީމު ކައުންސިލްގެ ލޯގޯ އަދި ޔުނިފޯމް އިފްތިތާޙްކޮށްފި

އުތީމު ކައުންސިލްގެ ލޯގޯ އަދި ޔުނިފޯމް އިފްތިތާޙްކޮށްފިއެވެ. މިކަމާއިގުޅިގެން ބޭއްވުނު ޚާއްޞަ ރަސްމިއްޔާތެއްގައި ބާރަށު ދާއިރާގެ މެންބަރު އިބްރާހީމް ޝުޖާޢު ބައިވެރިވެވަޑައިގެންނެވިއެވެ. މި ރަސްމިއްޔާތު ޝަރަފުވެރިކޮށްދެއްވުމަށް އިބްރާހީމް ޝުޖާޢު ވަޑައިގެންދެއްވި ކަމަށްޓަކައި އުތީމު ކައުންސިލުން ވަނީ  ޝުކުރު ދަންނަވާފައެވެ.

އުތީމު ކައުންސިލުގެ ލޯގާ

މީގެއިތުރުން، އިބްރާހީމް ޝުޖާޢު ވަނީ އުތީމު ކައުންސިލާއި، އުތީމު އަންހެނުންގެ ތަރައްޤީއަށް މަސައްކަތްކުރާ ކޮމިޓީ އަދި ރަށުގެ މުއައްސަސާތަކުގެ އިސްވެރިންނާ ބައްދަލުކުރައްވާފައެވެ. މި ބައްދަލުވުމުގައި އުތީމު ކައުންސިލާއި ރަށުގެ މުއައްސަސާތަކުގައި ހުރި ކަންބޮޑުވުންތަކާ ބެހޭގޮތުން މަޝްވަރާކުރެވުނެވެ.

އަދި ހަމައެހެންމެ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އުތީމަށް ކުރައްވާ ދަތުރުފުޅާ ގުޅޭގޮތުންވެސް މަޝްވަރާކުރެވުނެވެ. މި ބައްދަލުވުމަކީ ރަށުގެ ތަރައްޤީއަށް މުހިންމު މަޝްވަރާތަކެއް ކުރެވުނު ބައްދަލުވުމެއް ކަމުގައި ބައިވެރިން ފާހަގަކުރިއެވެ.