އިންޑިއާ އާއި އޮސްޓްރޭލިއާއަށް ރައީސުލްޖުމްހޫރިއްޔާގެ ނައިބު ތަހުނިޔާ ފޮނުއްވައިފި

އިންޑިއާގެ ޖުމްހޫރީ ދުވަހުގެ މުނާބަތާއި ގުޅިގެންނާއި، "އޮސްޓްރޭލިއާ ޑޭ" މުނާސަބަތުގައި އެ ޤައުމުތަކަށް ރައީސުލްޖުމްހޫރިއްޔާގެ ނައިބު އަލްއުސްޠާޛް ޙުސައިން މުޙައްމަދު ލަތީފް ތަހުނިޔާ ފޮނުއްވައިފިއެވެ.

އިންޑިއާއަށް ފޮނުއްވި ތަޙުނިޔާގެ މެސެޖު، ރައީސުލްޖުމްހޫރިއްޔާގެ ނައިބު ވަނީ އެ ޤައުމުގެ އެކުވެރި ރައްޔިތުންނާއި، އެ ޤައުމުގެ ނައިބު ރައީސް ޖަންދީޕް ދަންކަރަށް ޙާއްސަ ކުރައްވާފައެވެ.

މި މުނާސަބަތަކީ އިންޑިއާގެ ރައްޔިތުން އެކުވެރިވެ، އެ ޤައުމުގެ ޤާނޫނު އަސާސީގައި ބަޔާންކޮށްފައިވާ މިނިވަންކަމުގެ އަސާސްތައް ހަނދާން އާވެގެންދާނެ މުނާސަބާއެއް ކަމުގައި ވެގެންދާނެކަމަށް އުއްމީދުކުރައްވާ ކަމުގައި، އެމަނިކުފާނު އެކްސްގައި ޙިއްސާކުރެއްވި މެސެޖުގައި ފާހަގަކުރައްވާފައިވެއެވެ. 

Warm greetings and good wishes on the occasion of India’s #RepublicDay, to HE Jagdeep Dhankhar @VPIndia and the friendly people of India. May this day bring together the people of India in commemoration of the freedoms of values enshrined in their constitution that define India.… pic.twitter.com/pg4IcpUTgZ

— Hussain Mohamed Latheef (@HucenSembe) January 26, 2025

އަދި ދިވެހިރާއްޖެއާ އިންޑިއާއާ ދެމެދު އޮތް ޒަމާންވީ ގުޅުން ކުރިޔަށް އޮތް ދުވަސްތަކުގައި އިތުރަށް ބަދަހިވެގެންދާނެކަމަށް އުއްމީދުކުރައްވާ ކަމުގައި ވެސް އެ މަނިކުފާނު ވިދާޅުވެފައި ވެއެވެ. 

މީގެ އިތުރުން، އޮސްޓްރޭލިއާ ޑޭގެ މުނާސަބުގައި އެ މަނިކުފާނު ވަނީ އެ ޤައުމުގެ ސަރުކާރާއި ރައްޔިތުންނަށް މަރުހަބާ ވިދާޅުވެފައެވެ. 

On the occasion of #AustraliaDay 🇦🇺, I extend my warmest greetings to the Government and the friendly people of Australia. I look forward to the further strengthening of the robust partnership founded on mutual respect and shared principles between 🇲🇻 - 🇦🇺 pic.twitter.com/XFyVoeR4Pp

— Hussain Mohamed Latheef (@HucenSembe) January 26, 2025

އަދި ދިވެހި ރާއްޖެއާ އެސްޓްރޭލިއާއާ ދެމެދު އޮތް ގުޅުން ކުރިޔަށް އޮތްތާންގައި ވަރުގަދަވެގެން ގޮސް، ދެ ޤައުމަށް ފައިދާހުރި ކަންކަމުގައި ގުޅިގެން މަސައްކަތްޕުޅު ކުރެއްވުމަށް ބޭނުންފުޅުވާ ކަމުގައި ވެސް އެ މަނިކުފާނު ވިދާޅުވިއެވެ.