ދުނިޔެ
އަހަރެމެންނަކީ މި ބިމުގެ ޙައްޤުވެރިން ވަޠަން ދޫކޮށްލެވޭކަށް ނެތް މިއީ އަހަރެމެންގެ ވަޠަން :ފަލަސްޠީން

ހަނގުރާމަ މެދުކަނޑާލުމުން ފަލަސްޠީނަށް އެނބުރިއައި އެޤައުމުގެ ރައްޔިތުން ފޮޓޯ:ރޮއިޓަރޒް
ޢައްޒާގެ އުތުރުގައި ހިނގަމުންދާ ހަނގުރާމައިގެ ސަބަބުން އެ ސަރަޙައްދު ވީރާނާވެފައިވީ ނަމަވެސް، އެތަނަށް އެނބުރި ދިއުމަށް ފަލަސްޠީނުން ވަނީ ތައްޔާރަށެވެ. މިކަން ހާމަވެގެން ދިޔައީ އަލް-ރަޝީދު މަގުގައި އެއްވެފައިވާ ފަލަސްޠީނު ރައްޔިތުންގެ އިހުސާސްތަކުންނެވެ.
ވޭތުވެދިޔަ 15 މަސް ދުވަހުގެ ތެރޭގައި އިޒްރޭލުގެ ހަމަލާތަކުގެ ސަބަބުން ގާޒާގެ އުތުރު ސަރަޙައްދު ވަނީ ވަރަށްބޮޑަށް ހަލާކުވެފައެވެ. ނަމަވެސް އެތަނަށް އެނބުރި ދިއުމަށް ގިނަ ބަޔަކު ވަނީ ކެތްމަދުވެފައެވެ.
އަހަރެމެން އިއްޔެ ރޭއްސުރެ މިތިބީ މިތާ . އަހަރެމެންގެ ގެތައް ވީރާނާވެފައި ހުއްޓަސް އަހަރެމެން އެނބުރި ދާން ބޭނުން. އެއީ އަހަރެމެންނަކީ މި ބިމުގެ ޙައްޤުވެރިން
ފަލަސްޠީން ރައްޔިތެއް
އޭނާ އިތުރަށް ބުނީ، އިޒްރޭލުގެ އޮކިއުޕޭޝަން ފެށުނު ހިސާބުން ފެށިގެން، 70 އަހަރު ވަންދެން އޭނާގެ ކާބަފައިން އެމީހުންގެ ގޭގެ ތަޅުދަނޑި ގެންގުޅެފައިވާ ކަމަށެވެ. އަދި މިއީ "ނަކްބާ" ނުވަތަ ކާރިޘާގެ ތެރޭގައި 750,000 މީހުން ފަލަސްޠީނުން ބޭރުކުރެވުނު ދުވަސްވަރު ކަމަށްވެސް ބުންޏެވެ.
ކޮންމެ ފަލަސްޠީން ރައްޔިތެއްގެވެސް އެންމެ ބޮޑު އެއް އަމާޒަކީ އަހަރެމެންގެ ވަޠަނަށް ސާބިތުވެ ތިބުން. އިޒްރޭލުގެ އޮކިއުޕޭޝަން ބާރުތަކުން މުޅި ގާޒާ ވަނީ އަނދާ އަޅިއަށް ހަދާލާފަ، އަަހަރެމެންގެ ގެދޮރާއި ހުރިހާ މުދަލެއް ގެއްލުނު، އެކަމަކު އަހަރެމެންނަށް ވަޠަން ދޫކޮށްލެވޭކަށް ނެތް. މިއީ އަހަރެމެންގެ ވަޠަން ކަމަށް އޭނާ ވަނީ ބުނެފައެވެ.