Ads by Exprox

ޚަބަރު

ރާއްޖޭގައި ފުރަތަމަ ފަހަރަށް އަންހެނުންގެ ޙާއްސަ ބަލިތަކުގެ ވޯކްޝޮޕެއް ފަށައިފި

ރާއްޖޭގައި ފުރަތަމަ ފަހަރަށް އަންހެނުންގެ ޙާއްސަ ބަލިތަކުގެ ވޯކްޝޮޕެއް ފަށައިފި

ޙާއްސަ ހަފްލާގައި މިނިސްޓަރ ވާހަކަފުޅު ދައްކަވަނީ---

މިފްތާޙް މުޙައްމަދު

މިފްތާޙް މުޙައްމަދު

26 ޖެނުއަރީ 2025، 09:21

26 ޖެނުއަރީ 2025، 09:21

ހުލާސާ

މިއީ ދިވެހި ރާއްޖޭގައި ގައިނޮކޮލޮޖީގެ ފަރުވާ ކުރިއެރުވުމަށް މަގުފަހިވެގެންދާނެ މުހިއްމު ކަންތައްތަކެއް ހިމެނޭ ވޯކްޝޮޕެއް ކަމަށް މިނިސްޓަރު ވިދާޅުވި. 

ރާއްޖޭގައި ފުރަތަމަ ފަހަރަށް ގައިނޮކޮލޮޖިކަލް ސާޖިކަލް  ވޯކްޝޮޕެއް ފަށައިފިއެވެ. މިއީ އިންދިރާ ގާންދީ މެމޯރިއަލް ހޮސްޕިޓަލާއި ސޮސައިޓީ އޮފް އޮބްސްޓެޓްރިކްސް އެންޑް ގައިނޮކޮލޮޖިސްޓްސް އޮފް މޯލްޑިވްސް (އެސް.އޯ.ޖީ.އެމް) ގުޅިގެން ކުރިޔަށްގެންދާ ވޯކްޝޮޕެކެވެ.

މި ވޯކްޝޮޕް ފެށުމުގެ ގޮތުން ބޭއްވި ޙާއްސަ ރަސްމިއްޔާތު ޝަރަފުވެރިކޮށްދެއްވީ، ޙެލްތު މިނިސްޓަރ ޢަބްދުﷲ ނާޒިމް އިބްރާޙިމެވެ. މި ޙަފްލާގައި ވާހަކަފުޅު ދައްކަވަމުން މިނިސްޓަރު ވިދާޅުވީ، މިއީ ދިވެހި ރާއްޖޭގައި ގައިނޮކޮލޮޖީގެ ފަރުވާ ކުރިއެރުވުމަށް މަގުފަހިވެގެންދާނެ މުހިއްމު ކަންތައްތަކެއް ހިމެނޭ ވޯކްޝޮޕެއް ކަމަށެވެ.

މި ވޯކްޝޮޕްގައި ގައިނޮކޮލޮޖިސްޓުންނާއި، އޮޕަރޭޓިންގ ރޫމް ނަރުހުންނަށް ޢަމަލީ ތަމްރީނު ދިނުމަށް ހަމަޖެހިފައިވެއެވެ. އަދި ހުޅުމާލެ ހޮސްޕިޓަލާއި، ޓްރީޓޮޕް ހޮސްޕިޓަލާއި، އޭޑީކޭ ހޮސްޕިޓަލް އަދި މެޑިކާ ހޮސްޕިޓަލްގެ 7 ގައިނޮކޮލޮޖިސްޓުން މި ވޯކްޝޮޕްގައި ބައިވެރިވެފައިވެއެވެ.

މި ވޯކްޝޮޕްގެ ސަބަބުން ލިބޭނެ ފައިދާތައް ޙިއްސާކުރައްވަމުން މިނިސްޓްރީއިން ވިދާޅުވީ، އަންހެނުންގެ ބަލިތަކަށް ޙާއްސަ ދިވެހި ސާޖަނުންނަށް މުހިންމު ތަޖުރިބާތަކެއް ލިބިގެންދާނެ ކަމަށެވެ. އަދި މި ވޯކްޝޮޕަކީ، އަންހެނުން ބާރުވެރި ކުރުމުގެގޮތުން އެ ކަނބަލުންގެ ސިއްޙަތަށް އަހަންމިޔަތުކަން ދިނުމަށް އެޅޭ މުހިންމު ފިޔަވަޅެއްކަން ވެސް ފާހަގަކުރެއްވެވިއެވެ.

ވޯކްޝޮޕާ ގުޅޭ ތަމްރީނުތަކަށް ރާއްޖެއިން ބޭރުން ޕްރޮފެސަރަކު ވެސް ވަނީ ގެނަސްފައެވެ. އެގޮތުން، ޗައިނާގެ ބެއިޖިންގައި މަސައްކަތްކުރައްވާ ތަޖުރިބާކާރު ޕްރޮފެސަރ ޑރ. ޝިއައުމިންގް ގޮންގް ވަނީ ރާއްޖެ ވަޑައިގެންފައެވެ. ޕްރޮފެސަރ ޑރ. ޝިއައުމިން ގޮންގް އަކީ މިނިމަލް އިންވޭސިވް ގައިނަކޮލޮޖިކް ސަރޖަރީ (އެމް.އައި.ޖީ.އެސް) ގެ ރޮނގުގައި ފާހަގަކޮށްލެވޭ ދުނިޔޭގެ ފެންވަރުގެ މާހިރެކެވެ.

އަދި މި ޕްރޮފެސަރަކީ ރަހިމުގެ ފައިބްރޮއިޑް އެބްލޭޝަން ތެރަޕީގެ އައު މަގެއް ހުޅުވާލި ޑޮކްޓަރެކެވެ. އަދި އޭނާއަކީ ސިންގަލް-ޕޯޓް ލެޕޮރޮސްކޯޕިކް ސާޖަރީ، ވީ-ނޯޓްސް ސަރޖަރީ އަދި ލިންސް ހިސްޓަރޮސްކޮޕިކް ރިސެކްޝަން ޓެކްނިކް ފަދަ ޕްރޮސީޖަރތައް ޗައިނާއަށް ތަޢާރަފުކުރި ފަރާތެވެ.


2009  ވަނަ އަހަރުން ފެށިގެން ރަހިމުގެ ފައިބްރޮއިޑްސް އަދި އެޑިނޯމައޯސިސް ފަރުވާއަށް ހައި-އިންޓެންސިޓީ ފޯކަސްޑް އަލްޓްރާސައުންޑް (އެޗް.އައި.އެފް.ޔޫ)، އަދި މައިކްރޯވޭވް ރޭޑިއޯފްރީކުއެންސީ ޓެކްނިކްތައް ބޭނުންކޮށްގެން ކުރި މަސައްކަތްތަކުން މި ދާއިރާއަށް އެބޭފުޅާ ވަނީ ގިނަ ކުރިއެރުންތަކެއް ހޯދަދީފައެވެ.

އޭނާ އަހަރަކު 500އަށްވުރެ ސާޖަރީ ކުރަމުންގެންދާއިރު، އޭގެ ތެރެއިން 95% އަކީ މިނިމަލީ އިންވޭސިވް އުކުޅުތައް ބޭނުންކުރައްވައިގެން ހަދާ ސަރޖަރީތަކެވެ.

މި ލިޔުން ކިޔާލުމުން

Ads by MSS