ޖެހިޖެހިގެން ދެވަނަ ފަހަރަށް ސިނާރ އޮސްޓްރޭލިއަން އޯޕަން ކާމިޔާބުކޮށްފި

މެލްބަންގައި ކުރިޔަށްދިޔަ އޮންޓްރޭލިއަން އޯޕަން ޖެހިޖެހިގެން ދެވަނަ ފަހަރަށް، ދުނިޔޭގެ އެއްވަނައަށް ސީޑްކޮށްފައިވާ އިޓަލީގެ ޖެނިކް ސިނާރ ކާމިޔާބުކޮށްފިއެވެ.

ސިނާރއަށް ދެކޮޅަށް މި މެޗުގައި ކުޅުނީ، ސެމީފައިނަލް މެޗުގައި މި މުބާރާތް 10 ފަހަރަށް ކާމިޔާބުކޮށްފައިވާ ނޯވަކް ޖޮކޮވިޗްއާ ބައްދަލުކޮށް، އެ މެޗުގައި ޗޮކޮވިޗަށް އަނިޔާވުމާ ގުޅިގެން އޭނާ މެޗު ދޫކޮށްލުމުން، ދުނިޔޭގެ ދެވަނައަށް ސީޑްކޮށްފައިވާ ޖަރުމަނުގެ އެލެކްސެންޑަރ ވެރޭވްއެވެ. 

ފައިނަލް މެޗު ސިނާރ ކާމިޔާބުކުރީ، ހުރިހާ ގޭމެއްގެ ބްރޭކް ޕޮއިންޓުތައް ކާމިޔާބު ކުރުމަށްފަހު، 3-1 ސެޓުންނެވެ.

މެޗުގެ ފުރަތަމަ ސެޓާއި ދެވަނަ ސެޓު، 6-3، 7-6 އިން ކާމިޔާބުކުރުމަށްފަހު، ސިނާރއަށް ތިންވަނަ ސެޓު ނާކާމިޔާބުވީ 4-6 އިންނެވެ. އަދި އޭނާ މެޗު ކާމިޔާބުކުރީ ފަހު ސެޓު 6-3އިން ކާމިޔާބުކުރުމަށްފަހުއެވެ.

ކެރިއަރުގެ ތިންވަނަ ގްރޭންޑް ސްލޭމްއާއެކު، މިއީ ސިނާރގެ މައްޗަށް ޑޯޕިންގެ ތުހުމަތު ކުރެވި އެކަމުގެ ތަޙުޤީޤެއް ކުރިޔަށް ދަނިކޮށް، އޭނާއާއި މެދު ފާޑު ކިޔަމުންދާ އަޑުތައް ކަނޑުވާލުމަށް ހޯދުނު ރަގަޅު ކާމިޔާބެކެވެ. 

މެޗު ކާމިޔާބުކުރުމަށްފަހު އުމުރުން 23 އަހަރުގެ ސިނާރ ބުނީ، މި މުބާރާތުގައި އޭނާ ހިތްހަމަޖެހޭ ކުޅުމެއް ދެއްކުނު ކަމަށާއި، އުއްމީދަކީ އެ ގޮތުގައި ކުރިޔަށް ދިއުން ކަމަށެވެ. 

މި މެޗުގައި ވެރޭވްއަށް އެއްވެސް ބްރޭކް ޕޮއިންޓެއް ކާމިޔާބުކުރެވިފައެއް ނުވެއެވެ. އަދި މިކަމުގެ ސަބަބުން އޭނާއަށް ލިބެމުންދިޔަ މާޔޫސްކަން ވަރަށް ބޮޑަށް ފެނުނެވެ.

އަދި ވެރޭވްއަކީ މި ފަހަކުން ތިން ގްރޭންޑް ސްލޭމް ފައިނަލް ކާމިޔާބު ނުކުރެވުނު ހަތްވަނަ ކުޅުންތެރިޔާއެވެ. އެގޮތުން އޭނާއަށްވަނީ 2020ގެ ޔޫއެސް އޯޕަން، 2024ގެ ފްރެންޗް އޯޕަން އަދި އެއަށްފަހު މި މުބާރާތުގެ ފައިނަލުން ނާކާމިޔާބާ ކުރިމަތިލާން ޖެހިފައެވެ.