ޚަބަރު
ކަލާފާނު މަގުގެ ކެފޭއެއްގެ ކާބޯތަކެތީގެ ތެރޭގައި މީދާ ދުވާ މަންޒަރު ފެންނަ ވީޑިއޯއެއް އާންމުވެއްޖެ
ސްޓަރލައިޓް ކެފޭގައި މީދާ ދުވާ މަންޒަރު ފޮޓޯ:އެމްވީ ކްރައިސިސް
މާލޭގެ ކަލާފާނު މަގުގައި ހުންނަ ސްޓާރ ލައިޓް ކެފޭގެ ކާބޯތަކެތި ބަހައްޓާފައި ހުންނަ ޝޯކޭސްއެއްގެ ތެރޭގައި މީދާ ދުވާ މަންޒަރު ދައްކުވައިދޭ ވީޑިއޯއެއް އިޖުތިމާޢީ ވިއުގަތަކުގައި ފެތުރިއްޖެއެވެ.
މި ވީޑިއޯގައި ފެންނަ ގޮތުގައި، ކާބޯތަކެތި ރައްކާކޮށްފައި ހުންނަ ބިއްލޫރި ޝޯކޭސްއެއްގެ ތެރޭގައި މީދާތަކެއް ދުވާ މަންޒަރު ސާފުކޮށް ފެނެއެވެ. އަދި ޝޯކޭސްގެ ތެރޭގައި ބަހައްޓާފައި ހުރި ބިސްތަކަކަށް މީދާ އަރާ މަންޒަރުވެސް ވީޑިއޯގައި ހިމެނެއެވެ.
Kalaafaanu Magu gai huhna Star Lite Cafe therey kaathakethi laa showcase eh therey meedha dhuvaa video social media gai aanmu vehjje.
— #MvCrisis (@MvCrisis) January 27, 2025
Ithuru mauloomaathu: https://t.co/upZGTCYyGi pic.twitter.com/YIrCjd4HOP
މި މަންޒަރު ފެތުރުމާ ގުޅިގެން، ގިނަ ބަޔަކު ވަނީ ކެފޭތަކުގެ ސާފުތާހިރުކަމާ މެދު ސުވާލު އުފައްދާފައެވެ. އަދި ކާބޯތަކެތީގެ ރައްކާތެރިކަމާ މެދު ކަންބޮޑުވުން ފާޅުކޮށްފައިވެއެވެ. ނަމަވެސް، މި ހާދިސާއާ ގުޅޭގޮތުން ސްޓާރ ލައިޓް ކެފޭއިން އަދި އެއްވެސް ބަޔާނެއް ނެރެފައެއް ނުވެއެވެ.
ކާބޯތަކެތީގެ ރައްކާތެރިކަން ކަށަވަރުކުރުމަކީ ކެފޭތަކާއި ރެސްޓޯރަންޓްތަކުގެ އެންމެ މުހިންމު ޒިންމާތަކުގެ ތެރެއިން އެއް ޒިންމާ ކަމަށްވާތީ، މި މައްސަލައާ ގުޅޭގޮތުން ކަމާބެހޭ އިދާރާތަކުން ތަޙުޤީޤު ކުރާނެ ކަމަށް ބެލެވެއެވެ.
