ޚަބަރު
މަސްތުވާތަކެތީގެ މައްސަލައެއްގައި ހޯދަމުންދާ ފަރާތެއް ހާޒިރުވުމަށް ފުލުހުން އާންމުކޮށް އިޢުލާނުކޮށްފި

ހުސައިން ޒައިދާން ޢަލީ ފޮޓޯ:ޕޮލިސް
ދިވެހި ފުލުހުންގެ ޚިދުމަތުގެ ޑްރަގްސް އެންޑް ސަބްސްޓެންސް އެބިއުސް ކޮންޓްރޯލުން ތަޙުޤީޤު ކުރަމުންދާ މަސްތުވާތަކެތީގެ މައްސަލައަކާ ގުޅިގެން ހޯދަމުންދާ ފަރާތެއް ތަޙުޤީޤަށް ހާޒިރުވުމަށް އަންގައި ފުލުހުން އާންމުކޮށް އިޢުލާނުކޮށްފިއެވެ.
ފުލުހުން މިއަދު ނެރުނު އިޢުލާނުގައި ބުނެފައިވަނީ، ހުސައިން ޒައިދާން ޢަލީ (25 އަހަރު، އިރަމާގެ / ސ. ހިތަދޫ) އުޅޭ ވަކި ތަނެއް ނޭނގުމުގެ ސަބަބުން ތަޙުޤީޤަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަޙުޤީޤުކުރުމުގައި ފުލުހުން ޢަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަޙުޤީޤަށް ހާޒިރުވުމަށް އަންގައި އިޢުލާނުކުރަނީ ކަމަށެވެ.
އިޢުލާނުގައި ދީފައިވާ މަޢުލޫމާތުން އެނގެނީ، ހުސައިން ޒައިދާން ޢަލީ ހާޒިރުކުރެވެނީ މައްސަލައިގެ ތުހުމަތުގައި ސުވާލުކުރުމަށް ކަމަށެވެ. އޭނާ ހާޒިރުވާންޖެހެނީ ކްރިމިނަލް އިންވެސްޓިގޭޝަން ބިލްޑިންގއަށް 2025 ފެބްރުވަރީ 2 ވަނަ ދުވަހުގެ ހެނދުނު 10:00 އަށް ނުވަތަ އެއަށްވުރެ ކުރިން ވީ އެންމެ އަވަހަކަށެވެ.