ދުނިޔެ

ނެދަލޭންޑްސްގެ ދާރުލްއާސާރަކުން 2,500 އަހަރު ވީ ރަން ހެލްމެޓެއް ވަގަށް ނަގައިފި

ނެދަލޭންޑްސްގެ ދާރުލްއާސާރަކުން 2,500 އަހަރު ވީ ރަން ހެލްމެޓެއް ވަގަށް ނަގައިފި

ވަގަށްނަގާފައިވާ ރަނުގެ ހެލްމެޓު ފޮޓޯ:ސީއެންއެން

އާމިނަތު ޔުމްނާ

އާމިނަތު ޔުމްނާ

27 ޖެނުއަރީ 2025، 04:48

27 ޖެނުއަރީ 2025، 04:48

ނެދަލޭންޑްސްގެ އާސެން ސިޓީގައި ހުންނަ ޑްރެންޓްސް މިއުޒިއަމުން 2,500 އަހަރު ވީ ރަން ހެލެމެޓެއް ހިމެނޭހެން ހަތަރު އާސާރީ ތަކެތި ވަގަށް ނަގައިފިއެވެ. މި ހާދިސާ ހިނގާފައިވަނީ ހޮނިހިރު ދުވަހުގެ ފަތިހު 3:45 ގައި ކަމަށް ޑަޗް ފުލުހުން މަޢުލޫމާތު ދީފައިވެއެވެ.

މިއުޒިއަމުގެ ސީސީޓީވީ ފުޓޭޖުން ދައްކާ ގޮތުގައި، ވައްކަންކުރި މީހުން ވަނީ މިއުޒިއަމުގެ ބޭރު ދޮރެއް ހުޅުވުމަށްފަހު ގޮވާ އެއްޗެއް ބޭނުންކޮށްގެން އެތެރެއަށް ވަދެފައެވެ. މި ހާދިސާގައި ވަގަށް ނަގާފައިވަނީ މީލާދީން 50 ވަނަ އަހަރުގެ ތިން ރަން އުޅާ އަދި މީލާދީން  5 ވަނަ ގަރުނުގެ ކޮޓޮފެނެސްޓީ ހެލެމެޓެވެ. މި ހެލްމެޓް އަކީ ރޮމޭނިއާގެ ނެޝަނަލް ހިސްޓްރީ މިއުޒިއަމުން އެ މިއުޒިއަމަށް ދީފައިވާ އެއްޗެކެވެ.

މި ތަކެތި ހިމެނެނީ ޑޭޝިއަންސް އާ ގުޅޭ މައުރަޒެއްގައެވެ. ޑޭޝިއަންސްއަކީ ރޯމަނުން އެ ސަރަހައްދު ހިފުމުގެ ކުރިން މިހާރުގެ ރޮމޭނިއާގެ ގިނަ ސަރަހައްދުތަކެއްގައި ދިރިއުޅުނު ބައެކެވެ. މި މައުރަޒުގައި ރޮމޭނިއާގެ އެކި މުއައްސަސާތަކުން ގެނެސްފައިވާ އަގުހުރި ތަކެތި ހިމެނެއެވެ.

ޑްރެންޓްސް މިއުޒިއަމުން ބުނާ ގޮތުގައި ކޮޓޮފެނެސްޓީ ހެލްމެޓަކީ ރައްކާތެރިކަމަށް އެމީހުން ބޭނުންކުރާ އެއްޗެކެވެ. މި ހެލްމެޓް ފަރުމާކޮށްފައިވަނީ އާސާރީ މަންޒަރުތަކާއި ދެ ލޮލެއް ހިމަނައިގެންނެވެ. މި ލޯ ބޭނުންކުރަނީ ހަނގުރާމައިގައި ދުޝްމިނުން ބިރުގަންނަވައި، ނުބައި އެސްފީނާއިން ސަލާމަތްވުމަށް ކަމަށް އެމީހުން ބުނެއެވެ.

މި ހާދިސާއާ ގުޅިގެން ޑަޗް ފުލުހުން ވަނީ އިންޓަރޕޯލްއާ ގުޅިގެން މައްސަލަ ތަޙުޤީޤުކުރަން ފަށާފައެވެ. އަދި މިހާތަނަށް މިކަމާއި ގުޅޭ 50 އަށްވުރެ ގިނަ މަޢުލޫމާތު ލިބިފައިވާ ކަމަށް ފުލުހުން ބުނެއެވެ. މީގެ އިތުރުން، މި ހާދިސާއާ ގުޅުން ހުރި ކަމަށް ބެލެވޭ އަޅި ކުލައިގެ ކާރެއް ހޯދުމަށް ފުލުހުން މަސައްކަތްކުރަމުންދެއެވެ. މި ކާރަކީ އަލްކްމާރު ސިޓީން ވަގަށް ނަގާފައިވާ ކާރެއް ކަމަށާއި، މި ހާދިސާ ހިނގި ތަނުން 4 މޭލު ދުރުގައި އަންދާލާފައިވަނިކޮށް ފެނިފައިވާ ކަމަށް ފުލުހުން ބުނެއެވެ.
                    

މި ލިޔުން ކިޔާލުމުން

Ads by MSS