ޚަބަރު
ޓޫރިޒަމް މިނިސްޓަރު މަޤާމުން ވަކިކުރައްވައި، ވަގުތީގޮތުން އިކޮނޮމިކް މިނިސްޓަރާ ހަވާލުކުރައްވައިފި

ޓޫރިޒަމް މިނިސްޓަރު އަދި އިކޮނޮމިކް މިނިސްޓަރ ފޮޓޯ:އިންޓަނެޓް
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، މިއަދު ވަނީ މިނިސްޓަރ އޮފް ޓޫރިޒަމްގެ މަގާމުގައި ހުންނެވި އިބްރާހީމް ފައިޞަލް، އެ މަގާމުން ވަކިކުރައްވާފައެވެ.
މި ނިންމެވުމާ ގުޅިގެން، ރައީސް މުޢިއްޒު ވަނީ މިނިސްޓްރީ އޮފް ޓޫރިޒަމް ވަގުތީގޮތުން ހިންގެވުން މިއަދުން ފެށިގެން މިނިސްޓަރ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް މުޙައްމަދު ސަޢީދުއާ ހަވާލުކުރައްވާފައެވެ.
މި ބަދަލު ގެނެވުނު ސަބަބާ ގުޅޭގޮތުން އަދި ވަކި މަޢުލޫމާތެއް ހާމަކުރައްވާފައެއް ނުވެއެވެ.