ޚަބަރު
އުތުރުގެ ރަށްތަކުގެ މަގުތައް ތަރައްޤީކުރުމުގެ މަޝްރޫޢު ހަލުވި ދުވެލީގައި ދަނީ ކުރިއަށް: އާރްޑީސީ
އިހަވަންދޫގައި ކުރިއަސްދާ މަގުހެދުމުގެ މަސައްކަތް ފޮޓޯ:އާރްޑީސީ
ރޯޑް ޑިވެލޮޕްމަންޓް ކޯޕަރޭޝަން (އާރް.ޑީ.ސީ) އިން ރާއްޖޭގެ އުތުރުގެ ރަށްތަކުގައި ކުރިއަށްގެންދާ ޒަމާނީ ފެންވަރަށް މަގުތައް ތަރައްޤީކުރުމުގެ މަޝްރޫޢު ރޭވިފައިވާ ގޮތަށް ކުރިއަށްދާކަން އެ ކުންފުނިން ހާމަކޮށްފިއެވެ. މި ގޮތުން ހއ. ދިއްދޫ އާއި ހއ. އިހަވަންދޫގެ މަގުތައް ހެދުމުގެ މަސައްކަތް ފާހަގަކޮށްލެވޭ ހަލުވިމިނެއްގައި ކުރިއަށްދާކަން އެ ކުންފުނިން މިއަދު މީސްމީޑިއާގައި ކުރި ޕޯސްޓެއްގައި ބަޔާންކޮށްފައިވެއެވެ.
މި ކޯޕަރޭޝަނުން ރާއްޖޭގެ އުތުރުގެ ރަށްތަކުގައި ކުރިއަށް ގެންދާ ޒަމާނީ ފެންވަރަށް މަގުތައް ތަރައްޤީ ކުރުމުގެ މަޝްރޫޢުގެ ދަށުން ހއ. ދިއްދޫ މަގު ހެދުމުގެ މަޝްރޫޢުގެ 54 އިން ސައްތަ މަސައްކަތް ވަނީ ނިމިފައި. އަދި ހއ. އިހަވަންދޫ މަގު ހެދުމުގެ މަޝްރޫޢުގެ 25 އިން ސައްތަ މަސައްކަތް މިހާރު… pic.twitter.com/26SaSGZAJo
— Road Development Corporation Ltd (@rdcmaldives) January 27, 2025
އާރް.ޑީ.ސީން ދެއްވި މަޢުލޫމާތުގައިވާ ގޮތުން، ހއ. ދިއްދޫ މަގު ހެދުމުގެ މަޝްރޫޢުގެ 54 އިންސައްތަ މަސައްކަތް މިހާރު ވަނީ ނިމިފައެވެ. އަދި ހއ. އިހަވަންދޫ މަގު ހެދުމުގެ މަޝްރޫޢުގެ 25 އިންސައްތަ މަސައްކަތްވެސް ވަނީ ނިންމާލެވިފައެވެ.
މި މަޝްރޫޢުތަކަކީ އުތުރުގެ ރަށްތަކުގެ މަގުތައް ޒަމާނީ ފެންވަރަށް ތަރައްޤީކުރުމަށް އާރް.ޑީ.ސީން ކުރިއަށްގެންދާ ފުޅާ ދާއިރާގެ މަސައްކަތުގެ ބައެކެވެ. މި މަޝްރޫޢުތަކުގެ ސަބަބުން އެ ރަށްރަށުގެ ރައްޔިތުންނަށް ދަތުރުފަތުރު ފަސޭހަވެ، ރަށުގެ މަގުތަކުގެ ފެންވަރު ރަނގަޅުވެގެންދާނެ ކަމަށް ބެލެވެއެވެ.
