ސަޢޫދީ އަރަބިއްޔާއާއެކު އިންވެސްޓްމަންޓް މަޝްރޫޢުތައް އިތުރުކުރުމަށް މަޝްވަރާކުރައްވައިފި

ގެދޮރުވެރިކަމާއި ބިމާއި އުމްރާނީ ތަރައްޤީއާ ބެހޭ ވުޒާރާގެ ވަޒީރު ޑރ. ޢަބްދުﷲ މުއްޠަލިބު، ސަޢޫދީ އަރަބިއްޔާގެ މިއުނިސިޕަލިޓީސް އެންޑް ހައުސިންގ މިނިސްޓަރ އަލްއަމީރު މާޖިދު ބިން ޢަބްދުﷲ އަލް-ހުގައިލްއާ ބައްދަލުކުރައްވައި، ދެ ޤައުމުގެ ދެމެދުގައި އިންވެސްޓްމަންޓް މަޝްރޫޢުތައް އިތުރުކުރުމާ ގުޅޭގޮތުން މަޝްވަރާކުރައްވައިފިއެވެ.

Minister Dr. Abdulla Muththalib held a bilateral meeting with Saudi Arabia's Minister of Municipalities and Housing, H. E. Majid bin Abdullah Al-Hogail, during his visit to Riyadh to attend the fourth edition of the Real Estate Future Forum. The discussions were focused on… pic.twitter.com/wRNxh2Ct2P

— Ministry of Construction, Housing & Infrastructure (@MoCImv) January 28, 2025

މި ބައްދަލުވުން ބޭއްވުނީ މިނިސްޓަރ ޑރ. މުއްޠަލިބު، ރިޔާދުގައި ކުރިއަށްދިޔަ ހަތަރުވަނަ ރިއަލް އެސްޓޭޓް ފިއުޗަރ ފޯރަމްގައި ބައިވެރިވެވަޑައިގަތުމަށް ކުރެއްވި ދަތުރުފުޅުގައެވެ. މި ބައްދަލުވުމުގައި ދެ ޤައުމުގެ މުސްތަޤުބަލާއި ތަރައްޤީއާއި ކުރިއެރުމަށްޓަކައި އިންވެސްޓްމަންޓް މަޝްރޫޢުތައް އިތުރުކުރުމާ ގުޅޭގޮތުން މަޝްވަރާކުރެވުނެވެ.

މީގެއިތުރުން، މި ދަތުރުފުޅުގައި މިނިސްޓަރ ޑރ. މުއްޠަލިބު ވަނީ "ނިއު ފްރޮންޓިއަރސް: ބެލެންސް އެންޑް އިނޮވޭޝަން އިން ދަ ރިއަލް އެސްޓޭޓް ލޭންޑްސްކޭޕް" މައުޟޫއަށް ބޭއްވުނު ޕެނަލް ޑިސްކަޝަންގައި މުހިންމު ވާހަކަތަކެއް ދައްކަވާފައެވެ.