ރާއްޖޭގެ 57 ރަށެއްގައި 12،000 އަށްވުރެ ގިނަ ހައުސިންގ ޔުނިޓު ތަރައްޤީކޮށްދޭނެ ފަރާތްތައް ހޯދަނީ

ޑިޒައިން އެންޑް ބިލްޑް އުސޫލުން، ދިވެހިރާއްޖޭގެ 57 ރަށެއްގައި 12،000 އަށްވުރެ ގިނަ ހައުސިންގ ޔުނިޓު ތަރައްޤީކޮށްދޭނެ ކޮންޓްރެކްޓަރުން ހޯދުމަށް މިނިސްޓްރީ އޮފް ފިނޭންސް އެންޑް ޕްލޭނިންގ އިން އިޢުލާންކޮށްފިއެވެ.

ފިނޭންސް މިނިސްޓްރީއިން ހާމަކޮށްފައިވާ ގޮތުގައި، މިއީ މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރގެ ޕަބްލިކް ހައުސިންގ ޕްރޮޖެކްޓްގެ ދަށުން، ބޯހިޔާވެހިކަން ޤާއިމްކުރުމުގެ މަސައްކަތް ކުރަމުން އަންނަ ރަށްތަކުގެ މަޝްރޫޢުތަކެވެ.

މި މަޝްރޫޢުތަކަށް ކޮންޓެރެކްޓަރުން ހޯދުމުގެ މަސައްކަތް ކުރިޔަށް ގެންދާނީ އިންޓަރނޭޝަނަލް ކޮމްޕެޓިޓިވް ބިޑިންގ (އައި.ސީ.ބީ) އާއި ނޭޝަނަލް ކޮމްޕެޓިޓިވް ބިޑިންގ (އެން.ސީ.ބީ.) އުސޫލުތަކާއި، ދައުލަތުގެ މާލިއްޔަތުގެ ގަވާއިދުގެ ގައި ބަޔާންކުރާ ހަމަތަކުގެ މަތިންކަމަށް ފިނޭންސް މިނިސްޓްރީއިން ހާމަކޮށްފައިވެއެވެ. 

އެގޮތުން މި މަސައްކަތްތަކަށް ޝައުޤުވެރިވެލައްވާ ފަރާތްތަކުން ކަނޑައަޅާފައިވާ ކެޓަގަރީތަކަށް އެކި ބާވަތުގެ ފައިނޭންޝަލް މޮޑެލް އޮޕްޝަންތައް މެދުވެރިކޮށް ބީލަން ހުށަހެޅުމުގެ ފުރުސަތު ވަނީ ހުޅުވާލާފައެވެ. އަދި ފައިނޭންޝަލް މޮޑެލްތަކުގެ ތަފްސީލީ މަޢުލޫމާތު މި މަޝްރޫޢުގެ ދަށުން ކުރެވޭ އިޢުލާންތަކުގެ ސްޕެސިފިކް ޕްރޮކިއުމަންޓް ނޯޓިސްތަކާއެކު ޙިއްސާކުރައްވާނެކަމަށް ހާމަކޮށްފައިވެއެވެ.

މި ބީލަމަށް ހަތަރު ކެޓަގަރީއަކުން ހުޅުވާލާފައިވާއިރު، ކެޓަގަރީތައް ބަހާލާފައިވަނީ ތިރީގައިވާ ގޮތުގެ މަތިންނެވެ. އެއީ:

1. 50  ހައުސިން ޔުނިޓަށްވުރެ މަދުން ތަރައްޤީކުރުމަށް ހަމަޖެހިފައިވާ މަޝްރޫޢުތަކަށް ރާއްޖޭގެ ކޮންޓްރެކްޓަރުން
2. 51  ހައުސިން ޔުނިޓާއި 150 ހައުސިން ޔުނިޓު ތަރައްޤީކުރުމަށް ހަމަޖެހިފައިވާ މަޝްރޫޢުތަކަށް ރާއްޖެ އާއި ރާއްޖެއިން ބޭރުގެ ކޮންޓްރެކްޓަރުން
3. 200  ހައުސިން ޔުނިޓާއި 250 ހައުސިން ޔުނިޓު ތަރައްޤީކުރުމަށް ހަމަޖެހިފައިވާ މަޝްރޫޢުތަކަށް ރާއްޖެ އާއި ރާއްޖެއިން ބޭރުގެ ކޮންޓްރެކްޓަރުން
4. 300 ހައުސިން ޔުނިޓަށް ވުރެން ގިނައިން ތަރައްޤީކުރުމަށް ހަމަޖެހިފައިވާ މަޝްރޫޢުތަކަށް ރާއްޖެ އާއި ރާއްޖެއިން ބޭރުގެ ކޮންޓްރެކްޓަރުން

މި މަޝްރޫޢުގެ ދަށުން، 50 އާއި އެއަށްވުރެން މަދުން ހައުސިން ޔުނިޓްތައް އެޅުމަށް ނިންމާފައިވަނީ 18 ރަށެއްގައެވެ. އަދި 51 އާއި 150 ދެމެދުގެ އަދަދަކަށް ހައުސިން ޔުނިޓްތައް ތަރައްޤީކުރުމަށް 17 ރަށެއް ކަނޑައަޅާފައިވާެިރު، 200-250 އާ ދެމެދުގެ އަދަދަކަށް ހައުސިން ޔުނިޓްތައް ތަރައްޤީ ކުރަނީ 10 ރަށުގައެވެ. އަދި 300 އަށްވުރެ ގިނައިން ހައުސިން ޔުނިޓްތައް ތަރައްޤީ ކުރަނީ 12 ރަށެއްގައެވެ.

 50 އާއި 50އަށްވުރެ މަދުން ހައުސިން ޔުނިޓް އަޅާ ރަށްތައް:

• އދ. ދިގުރަށް - 30 ހައުސިން ޔުނިޓް
• ހއ.ކެލާ - 50 ހައުސިން ޔުނިޓް
• ހއ.އުތީމު - 50 ހައުސިން ޔުނިޓް
• ހދ. ކުރިނބީ - 50 ހައުސިން ޔުނިޓް
• ށ. ކޮމަންޑޫ - 50 ހައުސިން ޔުނިޓް
• ނ. މަނަދޫ - 50 ހައުސިން ޔުނިޓް
• ނ. މިލަންދޫ - 50 ހައުސިން ޔުނިޓް
• ރ.އިންނަމާދޫ - 50 ހައުސިން ޔުނިޓް
• ރ. ރަސްމާދޫ - 50 ހައުސިން ޔުނިޓް
• ޅ.ކުރެންދޫ - 50 ހައުސިން ޔުނިޓް
• ކ.ގުރައިދޫ - 50 ހައުސިން ޔުނިޓް
• މ. ކޮޅުފުށި - 50 ހައުސިން ޔުނިޓް
• ތ.ހިރިލަންދޫ - 50 ހައުސިން ޔުނިޓް
• ގއ.ގެމަނަފުށި - 50 ހައުސިން ޔުނިޓް
• ގއ. ކޮލަމާފުށި - 50 ހައުސިން ޔުނިޓް
• ގދ. ހޯޑެއްދޫ - 50 ހައުސިން ޔުނިޓް
• ގދ. ފަރެސްމާތޮޑާ - 50 ހައުސިން ޔުނިޓް
• ގދ. ފިޔޯރީ - 50 ހައުސިން ޔުނިޓް
  

51 އާއި 150 އާ ދެމެދުން ހައުސިން ޔުނިޓް ތަރައްޤީ ކުރާ ރަށްތައް:

• ހދ. ނެއްލައިދޫ - 60 ހައުސިން ޔުނިޓް
• މ. ދިއްގަރު - 75 ހައުސިން ޔުނިޓް
• ހއ. އިހަވަންދޫ - 100 ހައުސިން ޔުނިޓް
• ހދ. މަކުނުދޫ - 100 އުސިން ޔުނިޓް
• ނ. ކެނދިކުޅުދޫ - 100 ހައުސިން ޔުނިޓް
• ރ. މަޑުއްވަރީ - 100 ހައުސިން ޔުނިޓް
• ރ. އިނގުރައިދޫ - 100 ހައުސިން ޔުނިޓް
• ބ. ތުޅާދޫ - 100 ހައުސިން ޔުނިޓް
• ޅ.ހިންނަވަރު - 100 ހައުސިން ޔުނިޓް
• ތ. ވިލުފުށި - 100 ހައުސިން ޔުނިޓް
• ގދ. ގައްދޫ - 100 ހައުސިން ޔުނިޓް
• ސ. މަރަދޫ - 100 ހައުސިން ޔުނިޓް
• ސ.މަރަދޫ ފޭދޫ - 100 ހައުސިން ޔުނިޓް
• ސ. ހުޅުދޫ - 100 ހައުސިން ޔުނިޓް
• ސ. މީދޫ - 100 ހައުސިން ޔުނިޓް
• ށ. ފޯކައިދޫ - 150 ހައުސިން ޔުނިޓް
• އދ. މަހިބަދޫ - 150 ހައުސިން ޔުނިޓް
  

200އާއި 250އާ ދެމެދުން ހައުސިން ޔުނިޓް އަޅާ ރަށްތައް:

• ހއ. ދިއްދޫ - 200 ހައުސިން ޔުނިޓް
• ހއ. ހޯރަފުށި - 200 ހައުސިން ޔުނިޓް
• ށ. މިލަންދޫ - 200 ހައުސިން ޔުނިޓް
• ރ. ދުވާފަރު - 200 ހައުސިން ޔުނިޓް
• ފ. ނިލަންދޫ - 200 ހައުސިން ޔުނިޓް
• ދ. މީދޫ - 200 ހައުސިން ޔުނިޓް
• ގދ. މަޑަވެލި - 200 ހައުސިން ޔުނިޓް
• ސ. ފޭދޫ - 200 ހައުސިން ޔުނިޓް
• ގއ. ވިލިގިނލި - 225 ހައުސިން ޔުނިޓް
• ހދ. ނޮޅިވަރަންފަރު - 250 ހައުސިން ޔުނިޓް

300 އަށްވުރެ ގިނައިން ހައުސިން ޔުނިޓް އަޅާ ރަށްތައް:

• މ. މުލި - 300 ހައުސިން ޔުނިޓް
• ނައިފަރު - 400 ހައުސިން ޔުނިޓް
• ހދ. ހަނިމާދޫ - 500 ހައުސިން ޔުނިޓް
• ރ. އުނގޫފާރު - 500 ހައުސިން ޔުނިޓް
• ދ. ކުޑަހުވަދޫ - 500 ހައުސިން ޔުނިޓް
• ލ.ގަން - 500 ހައުސިން ޔުނިޓް
• ލ. ފޮނަދޫ - 500 ހައުސިން ޔުނިޓް
• ގދ. ތިނަދޫ - 500 ހައުސިން ޔުނިޓް
• ފުވައްމުލައް ސިޓީ - 500 ހައުސިން ޔުނިޓް
• ސ. ހިތަދޫ - 500 ހައުސިން ޔުނިޓް
• ކ. ތުލުސްދޫ - 550 ހައުސިން ޔުނިޓް
• ކުޅުދުއްފުށި ސިޓީ - 2000 ހައުސިން ޔުނިޓް 

ބޯހިޔާވަހިކަމާ ގުޅޭ މަސައްކަތްތަކަށް 2.5 ބިލިއަން ރުފިޔާ މިއަހަރުގެ ބަޖެޓުގައިވަނީ ހިމަނާފައެވެ.