އަތަށް އޮޅުވާލާފަ އޮތް ބޮޑު ނަނު ބައެއް ފިލުވާ މިހާރު މިދަނީ ކުރިއަށް: ވަޒީރު ސަޢީދު

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރާއްޖޭގެ ރަށްރަށަށް ކުރައްވަމުން ގެންދަވާ ދަތުރުފުޅުތަކާ ގުޅޭގޮތުން އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ވަނީ މުހިންމު ވާހަކަފުޅުތަކެއް ދައްކަވާފައެވެ.

ވަޒީރު ސަޢީދު ވިދާޅުވީ، ރައީސް މުޢިއްޒު ރަށްރަށަށް ވަޑައިގެން ރަށްރަށުގެ ސައިޒަށް ބެއްލެވުމެއް ނެތި، ހުރިހާ ރައްޔިތުންނާ ބައްދަލުކުރައްވައި، އެ ރަށްރަށުގައި އެ މަނިކުފާނު ވެވަޑައިގެންފައިވާ ވަޢުދުތައް ތަންފީޒުކުރެއްވުމަށް މަސައްކަތް ކުރައްވަމުން ގެންދަވާ ކަމަށެވެ. އަދި މިއީ ދިވެހިރާއްޖޭގައި މިހާތަނަށް ރައީސުލްޖުމްހޫރިއްޔާއަކު މަސައްކަތް ކުރައްވާފައިވާ ގޮތެއް ނޫން ކަމަށް ވެސް އެ މަނިކުފާނު ފާހަގަކުރެއްވިއެވެ.

ސީދާ ރައީސުލްޖުމްހޫރިއްޔާ ރައްޔިތުންނާއި ގާތަށް ވަޑައިގެން މަސައްކަތް ފެއްޓެވީމާ ދަތިހާލެއްގައި އޮތް ޤައުމެއްވެސް ދެން ދާނީ ކުރިއަށް، ދެން ޤައުމު ފަހަތަށް ސޮއްސާލައިގެން ނުދާނެ: ވަޒީރު ސަޢީދު@em_saeed pic.twitter.com/LQU5HOa25i

— PSM News (@psmnewsmv) January 30, 2025

ވަޒީރު ސަޢީދު އިތުރަށް ވިދާޅުވީ، ރައީސް މުޢިއްޒު ވެރިކަމަށް ހުވާކުރެއްވި ފަހުން ފުރަތަމަ އަހަރުދުވަހުގެ ތެރޭގައި ކުޑަ ދުވަސްކޮޅެއްގެ ތެރޭގައި ރަށްރަށަށް ވަޑައިގެން ރައްޔިތުންގެ ހާލު ބައްލަވައި، ސްޕޯޓްސް، އިޤްތިޞާދީ އަދި ލޯކަލް ޓުއަރިޒަމް ފަދަ ދާއިރާތަކުން ކުރެވެން ހުރި ކަންތައްތަކާއި ކުރިއަށް ދެވޭނެ ގޮތްތައް ބައްލަވަމުން ގެންދަވާ ކަމަށެވެ.

ސީދާ ރައީސުލްޖުމްހޫރިއްޔާ އެގޮތަށް މަސައްކަތްޕުޅު ފެއްޓެވީމާ ދެން ހަމަ ޔަޤީނުންވެސް މި ދަތި ޙާލުގައި އޮތް ޤައުމެއް ވިޔަސް ދެން ދާނީ ކުރިއަށް. އެހެންވީމާ އެ ހުރިހާ އޮޅުންބޮޅުމެއް ފިލުވައި، އަތަށް އޮޅުވާލާފައި އޮތް ބޮޑު ނަނު ބައެއް ފިލުވައި މިހާރު މި ދަނީ ކުރިއަށް

ވަޒީރު ސަޢީދު .

އަދި އިރާދަކުރެއްވިއްޔާ ޤައުމު ފަހަތަކަށް ސޮއްސާލައިގެން ނުދާނެ ކަމަށާއި، ވާދަވެރި ފަރާތްތަކުން މާލޭގައި ތިބެގެން ދައްކާ ވާހަކަތަކަކީ ޙަޤީޤަތާ ޚިލާފު ވާހަކަތަކެއް ކަމަށް ވެސް އެ މަނިކުފާނު ވިދާޅުވިއެވެ.

ވަޒީރު ސަޢީދު ނިންމާލަމުން ވިދާޅުވީ، އިޤްތިޞާދީ ދަތި ޙާލަތުގެ ތެރެއިން ރާއްޖެ ނުދަރައި، ކުޑަ ދުވަސްކޮޅެއްގެ ތެރޭ ހަމަނޭވާލެވި ކުރިއަށްދާ ދިއުމަކީ ސަރުކާރުން ރައީސް ޑރ. މުޢިއްޒު ހޯއްދެވި އެންމެ ބޮޑު ކާމިޔާބީ ކަމަށެވެ.