ސުވީޑަންގައި ޤުރުއާން އަންދާލި މީހާ މަރާލައިފި

ސުވީޑަންގައި ފާއިތުވި އަހަރު އެތައް ފަހަރަކު ކީރިތި ޤުރުއާން އަންދާލައި، އިސްލާމީ ޤައުމުތަކުގެ ކަންބޮޑުވުން އުފެދުނު މީހަކު މަރާލައިފިކަމަށް މީޑިއާތަކުން ރިޕޯޓުކޮށްފިއެވެ. ބުރާސްފަތި ދުވަހު މި ޚަބަރު ފެތުރުނު އިރު، އިއްޔެ މީހަކު މަރުވެފައިވާކަން ފުލުހުން ކަށަވަރުކޮށްދީފައިވެއެވެ.

ސަލްވާން މޮމިކާ ނަމަކަށް ކިޔާ އިރާޤްމީހެއް ގިނަ އިހުތިޖާޖުތަކެއްގައި ޤުރުއާން އަންދާލުމާ ގުޅިގެން އޭނާއާ ދެކޮޅަށް ހުށަހެޅިފައިވާ މައްސަލައެއްގައި ސްޓޮކްހޯމް ކޯޓުން ޙުކުމް އިއްވުމަށް ހަމަޖެހިފައިވަނީ ބުރާސްފަތި ދުވަހުއެވެ. ނަމަވެސް "ސަލްވާން މޮމިކާ މަރުވެފައިވާތީ، އިތުރު ވަގުތު ބޭނުންވާ" ކަމަށް ބުނެ ޙުކުމް އިއްވުން ފެބްރުއަރީ 3 އަށް ފަސްކޮށްފިއެވެ.

ފުލުހުން ނެރުނު ބަޔާނެއްގައި ބުނެފައިވަނީ މޮމިކާ ދިރިއުޅުނު ސޯދަރްތެލްޖެ ސިޓީގައި ހިނގި ހާދިސާއަކާ ގުޅިގެން ފުލުހުންނަށް އެންގުނު ކަމަށެވެ. މި ހާދިސާ ހިނގާފައިވަނީ އިމާރާތެއްގެ އެތެރޭގައެވެ. ފުލުހުން އެތަނަށް ދިޔައިރު "ވަޒަން އަރާފައިވާ މީހަކު ފެނި، އޭނާ ހޮސްޕިޓަލަށް ގެންދެވުނު" ކަމަށް ބަޔާނުގައި ބުނެފައިވެއެވެ.