އިންޖީނުގެތަކުގެ ހާލަތު ބެއްލެވުމަށް ސްޓެލްކޯގެ އެމްޑީ ގުޅިއާއި މާފުއްޓަށް

ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ)ގެ މެނޭޖިންގ ޑިރެކްޓަރ ހުސެއިން ފަހުމީއާއި ކުންފުނީގެ ބައެއް އިސްވެރިން  ވަނީ ކ. ގުޅިއާއި ކ. މާފުއްޓަށް ޚާއްޞަ ދަތުރެއް ކުރައްވާފައެވެ. މި ދަތުރުގެ މައިގަނޑު މަޤްޞަދަކީ އެ ދެ ރަށުގެ އިންޖީނުގެތަކުގެ ހާލަތު ގާތުން ބެއްލެވުމާއި، ޚިދުމަތް ދިނުމުގައި ދިމާވާ ދަތިތައް އޮޅުންފިލުވުމެވެ.

ދަތުރުގައި ސްޓެލްކޯގެ ވެރިން ވަނީ ގުޅީގެ އިންޖީނުގެއާއި ފެން ޕްލާންޓް ބައްލަވާލައްވާފައެވެ. އަދި މާފުށީގައި މިހާރު ހުރި އިންޖީނުގެއާއި، އަލަށް އިންޖީނުގެ އެޅުމަށް ލިބިފައިވާ ބިން މާފުށީ ކައުންސިލްގެ ބޭފުޅުންނާއެކު ބައްލަވާލައްވާފައިވެއެވެ.

މިކުންފުނީގެ އިންޖީނުގެތަކުގެ ހާލަތު ގާތުން ބައްލަވައި އަދި ހިދުމަތް ދިނުމުގައި ދިމާވާ ދަތިތަށް އޮޅުންފިލުއްވުމަށާއި އެކަންކަމަށް ގެނެވޭނެ ހައްލުތަކާއި ގުޅޭގޮތުން މުވައްޒަފުންނާއި މަޝްވަރާކުރެއްވުމަށް މެނޭޖިންގ ޑިރެކްޓަރ @HussainFahmy09 އާއި ކުންފުނީގެ ބައެއް އިސްވެރިން އިއްޔެ… pic.twitter.com/LGbhILBj1s

— STELCO (@STELCOMALDIVES) January 30, 2025

މި ދަތުރުގައި ސްޓެލްކޯގެ އެމްޑީ ހުސެއިން ފަހުމީ ވަނީ މުވައްޒަފުންނާ ބައްދަލުކުރައްވައި، ޚިދުމަތް ދިނުމުގައި ދިމާވާ ދަތިތަކަށް ހައްލު ހޯދުމާ ގުޅޭގޮތުން މަޝްވަރާކުރައްވާފައެވެ. މީގެ އިތުރުން، އިންޖީނުގެތަކުގެ ހާލަތު ރަނގަޅުކުރުމަށް އެޅިދާނެ ފިޔަވަޅުތަކާ ގުޅޭގޮތުންވެސް ވަނީ މަޝްވަރާކުރެވިފައެވެ.

މި ދަތުރަކީ ރައްޔިތުންނަށް ދެވޭ ޚިދުމަތުގެ ފެންވަރު މަތިކޮށް، އިންޖީނުގެތަކުގެ ހާލަތު ރަނގަޅުކުރުމަށް ސްޓެލްކޯއިން ކުރަމުންދާ މަސައްކަތުގެ ތެރެއިން ކުރެވުނު ދަތުރެއް ކަމަށް ސްޓެލްކޯއިން މަޢުލޫމާތު ދެއެވެ.