މާލޭގެ ޕްރައިވެޓް އޮފީހެއްގައި ސިނގިރޭޓު އުފައްދާތީ އެތަން ބަލާފާސްކުރަނީ

ހެންވޭރުގެ ގެއެއްގައި ހިންގާ ޕްރައިވެޓް އޮފީހެއްގެ ތެރޭގައި ސިނގިރޭޓު އުފައްދާކަމަށް ލިބުނު މަޢުލޫތަކާ ގުޅިގެން، އެ ތަން ބަލާފާސްކުރުމުގެ މަސައްކަތް ފުލުހުން ފަށައިފިއެވެ. 

ފުލުހުން ހާމަކޮށްފައިވާ ގޮތުގައި، މި އޮޕަރޭޝަން ކުރިޔަށް ގެންދަނީ ކޯޓު އަމުރެއްގެ ދަށުންނެވެ.

ރާއްޖޭގައި ދުންފަތް އުފެއްދުމަކީ ޤާނޫނީ ކުށެކެވެ. އަދި ދުންފަތް އުފެއްދުމުގެ އެއްވެސް ބާވަތެއް އެތެރެކުރިޔަ ނުދިނުމަށް ހެލްތު މިނިސްޓްރީން ކަސްޓަމްސްއަށް ވެސް ވަނީ އަންގާފައެވެ.

ރާއްޖޭގައި  ވޭޕް އެތެރެކުރުމާއި ބޭނުން ކުރުން މަނާކޮށް، ދުންފަތް ކޮންޓްރޯލްކުރުމާ ބެހޭ ޤާނޫނަށް ގެނައި އިސްލާހާއެކު ބިޑި އަދި ސުއްޓާ ފަދަ ދުންފަތުގެ ބާވަތްތައް އަމިއްލަ އަށް އުފައްދަން ބޭނުންކުރާ އެއްވެސް އެއްޗެއް ރާއްޖެ އެތެރެ ކުރުން މަނަލެވެ.