ދުނިޔެ

އެެމެރިކާގެ ބޯޓު ވެއްޓުނު ހާދިސާގައި މަދަނީ ޙައްޤުތަކުގެ ވަކީލު ކިއާ ޑަގިންސް މަރުވެއްޖެ

އެެމެރިކާގެ ބޯޓު ވެއްޓުނު ހާދިސާގައި މަދަނީ ޙައްޤުތަކުގެ ވަކީލު ކިއާ ޑަގިންސް މަރުވެއްޖެ

ކިއާ ޑަގިންސް ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

31 ޖެނުއަރީ 2025، 02:17

31 ޖެނުއަރީ 2025، 02:17

ވޮޝިންގޓަން ޑީސީގެ ރީގަން ނެޝަނަލް އެއަރޕޯޓުގައި ބުދަ ދުވަހު ދެ މަތިންދާބޯޓު ޖެހި ހާދިސާގައި ހާވަޑް ލޯ ސްކޫލްގެ ގްރެޖުއޭޓް އަދި މަދަނީ ޙައްޤުތަކުގެ ވަކީލު ކިއާ ޑަގިންސް މަރުވެއްޖެއެވެ. މި ހާދިސާގައި މަރުވި މީހުންގެ ތެރޭގައި ކިއާ ހިމެނޭކަން އޭނާގެ އާއިލާއިން ސީއެންއެން އެފިލިއޭޓް ކޭޑަބްލިއުސީއެޗްއަށް ދީފައިވާ ބަޔާނެއްގައި ވަނީ ކަށަވަރުކޮށްދީފައެވެ.

"އަޅުގަނޑުމެންގެ ރީތި އަދި ކާމިޔާބު އެންމެ ދޮށީ ދަރިފުޅު ގެއްލުމާ ގުޅިގެން ލިބުނު ހިތާމައާ އަޅުގަނޑުމެން މިދަނީ ކުރިމަތިލަމުން، މި ވަގުތު އަޅުގަނޑުމެންގެ އާއިލާގެ ޕްރައިވަސީއަށް އިޙްތިރާމްކޮށްދެއްވުން އެދެން

 އާއިލާގެ ބަޔާނުގައި ބުނެފައިވެއެވެ.

ވިޗިޓާ، ކެންސަސްގައި އާއިލާއާއެކު ވަގުތު ހޭދަކުރުމަށްފަހު، ވޮޝިންގޓަން ޑީސީ ސަރަޙައްދުގައި ހުރި އޭނާގެ ގެއަށް އެނބުރި ދަތުރުކުރަމުން ދަނިކޮށް މި ހާދިސާ ދިމާވީއެވެ.

2021 ވަނަ އަހަރު ހާވަޑް ލޯ ސްކޫލުން ގްރެޖުއޭޓްވި ޑަގިންސްއަކީ އެތާނގައި ކިޔަވަމުންދިޔައިރު ހާވަޑް ލީގަލް އެއިޑް ބިއުރޯގެ ރައީސްކަން ކޮށްފައިވާ މީހެކެވެ. އޭނާ އެންމެ ފަހުން މަސައްކަތް ކުރަމުން ދިޔައީ ވޮޝިންގޓަންގެ ސިވިލް ރައިޓްސް ކޯޕްސްގެ ވަކީލެއްގެ ގޮތުގައެވެ. 2023 ވަނަ އަހަރުގެ ޕޮޑްކާސްޓެއްގައި އޭނާ ވަނީ މުޅި ޤައުމުގައި ފުލުހުންގެ އަނިޔާއާއި ޝަރީޢަތުގެ ކުރިން ބަންދުކުރުމާ ގުޅޭ މައްސަލަތަކުގައި ވަކާލާތުކުރުމުގެ މަސައްކަތް ކުރާ ގޮތް ބަޔާންކޮށްދީފައެވެ.

މި ފަހަރުގެ ފޯލް ސެމެސްޓަރގައި ޑަގިންސް ވަނީ ހަވާޑް ޔުނިވަރސިޓީ ސްކޫލް އޮފް ލޯގެ ޕްރޮފެސަރެއްގެ ގޮތުގައި އައު މަޤާމެއް ފަށަން ހަމަޖެހިފައެވެ.

އޭނާގެ ކެރިއަރގައި އޮބާމާ އިދާރާގެ ދައުރުގައި ވައިޓް ހައުސްގެ އިންޓަރންއެއްގެ ގޮތުގައި މަސައްކަތްކޮށް، ފަސްޓް ލޭޑީގެ "ލެޓް ގަރލްސް ލާރން" އިނީޝިއޭޓިވްގައި މަސައްކަތްކުރުމާއި، ފުލްބްރައިޓް ގްރާންޓެއްގެ ދަށުން ގާތްގަނޑަކަށް އަހަރެއްވަންދެން ޓައިވާންގައި އިނގިރޭސި ކިޔަވައިދިނުން ހިމެނެއެވެ. މިއީ އޭނާގެ ލިންކްޑްއިން އަދި ވިޗިޓާ ސްޓޭޓް ޔުނިވަރސިޓީން ފޯރުކޮށްދީފައިވާ މަޢުލޫމާތެވެ. 
                    

މި ލިޔުން ކިޔާލުމުން

Ads by MSS